ޑިމޮކްރެޓްސް އިން ރުހުން ނުދޭން ނިންމީ އުޝާމް، ޒަމީރު، ހައިދަރު އަދި ޝަހީމަށް

ބަންޑާރަ ނައިބު އަހުމަދު އުޝާމް އާއި ފޮރިން މިނިސްޓަރު މޫސާ ޒަމީރާއި އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދާއި ހައުސިން މިނިސްޓަރު ޑރ. އަލީ ހައިދަރު ރުހުން ނުދޭން ދަ ޑިމޮކްރެޓްސް އިން ނިންމައިފި އެވެ.

ހަތަރު ވަޒީރަކަށް ރުހުން ނުދޭން ޑިމޮކްރެޓްސް އިން ފާސް ކުރީ އެ ޕާޓީން ބޭއްވި ޕާލަމެންޓަރީ ގްރޫޕުގެ ބައްދަލުވުމެއްގަ އެވެ.

ޑިމޮކްރެޓްސްގެ އިތުރުން އިދިކޮޅު އެމްޑީޕީން ވެސް ދަނީ ބައެއް ވަޒީރުންނަށް ރުހުން ނުދޭން މަޝްވަރާ ކުރަމުންނެވެ.

ދެ ޕާޓީން އެގޮތަށް ނިންމި އިރު، ދައުރުން ބޭރުން މިއަދު ބާއްވާ ރައްޔިތުންގެ މަޖިލީހުގެ ޖަލްސާއަށް ވަޒީރުންނަށް ރުހުން ދިނުމުގެ މައްސަލަ ވަނީ އެޖެންޑާކޮށްފަ އެވެ. އެ މައްސަލައަށް ވޯޓަށް އަހަން ނިންމާފައިވަނީ 1:30 ގަ އެވެ.