އިންތިހާބަކާ ނުލައި، ކުރީގެ ފޮރިން މިިނިސްޓަރު އަބްދުﷲ ޝާހިދަށް އެމްޑީޕީގެ ރައީސްކަން ލިބިއްޖެ އެވެ.
އެމްޑީޕީގެ ރައީސްގެ މަގާމު ހުސްވީ، އެ މަގާމުގައި ހުންނެވި ކުރީގެ ރައީސް މުހައްމަދު ނަޝީދު، އެ ޕާޓީން ވަކިވެވަޑައިގަތުމުންނެވެ. އެހެންވެ އެ މަގާމު، މިދިޔަ ނޮވެމްބަރުގައި ކުރީގެ ރައީސް އިބްރާހިމް މުހައްމަދު ސޯލިހުއާ ވަގުތީ ގޮތުން އޮޮތީ ހަވާލުކޮށްފަ އެވެ.
އެމްޑީޕީގެ ރައީސްކަމުގެ އިންތިހާބު އަންނަ މަހު ދެވަނަ ދުވަހު ބާއްވާ ގޮތަށް ނިންމައި، ކުރިމަތިލާން ހުޅުވާލީ މިދިޔަ ހަފުތާގެ އަންގާރަ ދުވަހު އެވެ. އެ މުއްދަތު ހަމަވީ، މިއަދު މެންދުރު 2:00 އަށެވެ.
އެމްޑީޕީން ދެންމެ ކުރި އިއުލާނެއްގައި ބުނީ، އެ ޕާޓީގެ ރައީސް ކަމަށް ކުރިމަތިލީ ޝާހިދު އެކަނި ކަމަށެވެ. އެހެންކަމުން އިންތިހާބަކާ ނުލާ ޝާހިދު އެ މަގާމަށް އިންތިހާބުވެފައިވާކަން ބުންޏެވެ.
ގުޅުންހުރި
ފުރަމާނަ ދަތުރުފުޅެއްގައި ރައީސްގެ ދެކަނބަލުން އިންޑިއާއަށް ފުރާވަޑައިގެންފި
އެޕާޓްމެންޓް ހަވާލުކޮށްފިނަމަ ދަރިންނާއެކު ވަންނާނެ ތަނެއް ނެތް: ބައްސާމް
ތަސްލީމް ހޯދަން އިންޓަޕޯލް ޔެލޯ ނޯޓިސް ނެރެފި
ދިވެހިންގެރާއްޖެ ހޯދަން ރައީސް މުއިއްޒު 15 އަހަރު ވެރިކަމުގައި ބަހައްޓަންޖެހޭ: އަބްދުއްރަހީމް
ކޮރެއާގެ ކުންފުންޏަކަށް 1 މަސް ތެރޭ 3 މިލިއަން ޑޮލަރު ދައްކަން
އުމުރުން ދުވަސްވީ މީހުންގެ އަތުން ފޭރުމުގެ މައްސަލަތައް އިތުރުވަނީ