ފުވައްމުލަކުގައި ހެދި ޗާލު، މަސްޖިދުލް ހުދާ ހުޅުވައިފި

ފުވައްމުލައް ސިޓީ މިސްކިތްމަގު އަވަށުގައި ހެދި މަސްޖިދުލް ހުދާ ހުޅުވައިފި އެވެ.

މިސްކިތްމަގުގައި ހުރި 30 އަހަރަށްވުރެ ގިނަ ދުވަސްވީ ލިލީ މިސްކިތް ތަޅާލައި، އެ ތަނުގައި ދެ ބުރީގެ މިސްކިތެއް ހަދަން ފެށީ ކުރީގެ ރައީސް އިބްރާހިމް މުހައްމަދު ސޯލިހުގެ ސަރުކާރުގައި 2021ގަ އެވެ.

އެ މަސައްކަތް ހަވާލުކުރީ އަމޭން ކޮންސްޓްރަކްޝަނާ އެވެ.

ދައުލަތުގެ ބަޖެޓުން 8.7 މިލިއަން ރުފިޔާ ހަރަދުކޮށްގެން އިމާރާތްކުރި އެ މިސްކިތަކީ 450 މީހުންގެ ޖާގައިގެ މިސްކިތެކެވެ.

އެ މިސްކިތް މިއަދު ހުޅުއްވައިދެއްވީ މަސްޖިދުލް ސުލްތާން މުހައްމަދު ތަކުރުފާނު އަލް އައުޒަމް، އިސްލާމީ މަރުކަޒުގެ އިސް އިމާމު ޝައިހް މުހައްމަދު ލަތީފެވެ.