ޗައިނާއިން، ރާއްޖެއަށް ހަދިޔާކުރި 1،500 ޓަނުގެ ބޯފެން މިއަދު ރާއްޖެއަށް ލިބިއްޖެއެވެ.
ފޮރިން މިނިސްޓްރީން މިއަދު ނެރުނު ނޫސްބަޔާނެއްގައި ބުނީ ޗައިނާގެ ޝީޒަން އޮޓޮނޮމަސް ރީޖަންގެ ޗެއާމަން ޖިން ހައި ވަނީ މިދިޔަ އަހަރުގެ ނޮވެމްބަރުމަހުގެ ތެރޭގައި ރާއްޖެ ވަޑައިގެން ވަނީ ރައީސް ޑރ. މުހައްމަދު މުއިއްޒުއާ ބައްދަލުކުރައްވާފައި ކަމަށެވެ. އެ ބައްދަލުވުމުގެ ތެރެއިން ޝީޒަން އޮޓޮނޮމަސް ރީޖަންގެ ޗެއާމަން ޖިން ހައި ވަނީ ރާއްޖެއަށް 1،500 ޓަނުގެ ބޯފެން ހަދިޔާކުރަން ނިންމާފައިވާކަން ހާމަކޮށްފައި ކަމަށެވެ.
އެ ފެނަކީ ޝީޒަން އޮޓޮނޮމަސް ރީޖަންގެ އަދި ޓިބެޓް ސަރަހައްދުގައި ހިމެނޭ ފަރުބަދަމަތީ ގަނޑުފެނުން އުފައްދާ ”ޓިބެޓް 5100“ ބްރޭންޑުގެ ފެނެވެ.
”ސަރުކާރުން ނިންމާފައި ވަނީ، މި ފެން ބޭނުންކުރަނީ ރާއްޖޭގެ ރަށްރަށަށް ފެނުގެ ދަތިތަކަން ދިމާވާ ހާލަތުގައި އެ ރަށްރަށަށް އެހީގެ ގޮތުގައި ފޯރިކޮށްދިނުމަށް“ ފޮރިން މިނިސްޓްރީން ބުންޏެވެ.

ގުޅުންހުރި
ނިންމުންތައް ނިންމާއިރު ރައްޔިތުންގެ އަޑުއެހުން މުހިންމު: ރައީސް
އަރަބި އިސްލާމީ ގައުމުތަކުގެ ކުއްލި ސަމިޓަށް ރައީސް ގަތަރަށް
ކުރީގެ ރައީސުންނަށް ދޭ އިނާޔަތް ކުޑަކުރަން ނަޝީދު ތާއީދު
ޖުޑިޝަރީ މިނިވަންކަމާއެކު ހިންގުމަށް ދައުލަތުގެ ބަޖެޓުން ފައިސާ ދޭން ފަށަނީ
ބިން ނުހިއްކަން ނިންމުމާ ގުޅިގެން ދޮންފަނު ރައްޔިތުން މުޒާހަރާ ކުރަނީ
ކުރީގެ ރައީސުންނާއި ކުރީގެ މެންބަރުންގެ އިނާޔަތް ކުޑަކުރުމުގެ ވިސްނުން ރައީސް ހުށަހަޅުއްވައިފި