އިނގިރޭސި ވިލާތުގެ އާއިލާއާ ބެހޭ ލޯ ފާމަކަށް އޮޅިގެން ނުބައި ދެމަފިރިއަކު ވަރިކުރެވިއްޖެ އެވެ.
ވަރިކުރެވުނު މިސްޓާ އެންޑް މިސަސް ވިލިއަމް އަކީ ކައިވެނި ކޮށްގެން އުޅެތާ 21 އަހަރު ފަހުން މިދިޔަ އަހަރުގެ ތެރޭގައި ވަކިވެފައިވާ ދެމަފިރިންނެވެ. އެ މީހުން ވަރިވާން ހުށަނާޅައި ތިބީ މާލީ ޝަރުތުތަކާމެދު އެއްބަސްވުމަކަށް ނާދެވިގެންނެވެ.
ލަންޑުގެ އެންމެ މޮޅު ވަރީގެ ލޯޔަރުން ތިބޭ ކަމަށް އިސްތިހާރު ކުރާ ވާޑަގްސްގެ ސްޓާފް މެންބަރަކަށް އެ ދެމަފިރިން ވަރިކުރެވުނީ އެޗްއެމް ކޯޓްސް އެންޓް ޓްރިބިއުނަލްސް ސާވިސް އިން އޮޕަރޭޓްކުރާ އޮންލައިން ޕޯޓަލް މެދުވެރިކޮށް، އެހެން ކްލައިޓެއްގެ ވަރީގެ އެންމެ ފަހު ހުކުމް ފޮނުވަން އުޅުމުގެ ތެރޭގަ އެވެ.
އެކަން އެ ފާމުގެ ސަމާލުކަމަށް އައީ ދުވަސްތަކެއް ފަހުންނެވެ. އަދި ފަހުން އެ ނިންމުން ބާތިލުކުރަން ހައިކޯޓަށް ހުށަހެޅި އެވެ.
ނަމަވެސް ފެމިލީ ކޯޓް ޑިވިޝަންގެ ރައީސް އަދި ފަނޑިޔާރު ސާ އެންޑްރޫ މެކްފާލޭން ވަނީ އެ ނިންމުން ބަލައިނުގަތުމަށް ނިންމައިފަ އެވެ.
އެ ނިންމުމާ ދެކޮޅު ހެދުމުގެ ގޮތުން ވާޑަގްސްގެ ވަކީލުން ވަނީ އެއީ ކޮމްޕިއުޓަރަށް އެރި އެރާއެއް ކަމަށާއި އެހެންކަމުން އެ ނިންމުން ބާތިލުކޮށްދޭން ޖެހޭނެ ކަމަށް ބުނެފަ އެވެ. ނަމަވެސް ފަނޑިޔާރު ސާ އެންޑްރޫ ވިދާޅުވީ އެއީ ސަމާލުކަން ދެވުނު ނަމަ ނުވާނެ ކަމެއް ކަމަށެވެ.
ގުޅުންހުރި
ކައުންސިލްތަކުގެ ހަރަދު ކުޑަކުރަން ދަތުރުތަކާއި ހަފުލާތަކާއި މުބާރާތްތައް ނުބާއްވަން އަންގައިފި
ޒިނޭކުރި ދެ މީހެއްގެ ގައިގައި 100 އެތިފަހަރުން ހައްދު ޖަހަން ހުކުމްކޮށްފި
މި ވަގުތަކީ ވެރިކަމަށް އަންނަންވީ ވައުދާ މެދު ވިސްނަންވީ ވަގުތެއް ނޫން:
ރައީސްގެ ނަސޭހަތެއް: ކާމިޔާބު ހޯދަން، ނަފުސަށް އިތުބާރުކޮށް މަންޒިލަށް ދެވެންދެން މަސައްކަތްކުރޭ
ސިޔާސީ މަގާމުތަކުގެ އަދަދާއި ކުރާހޭދަ ހާމަކުރަން ސަރުކާރު މެންބަރުން ބޭނުމެއް ނުވި
ފޭކް ސްލިޕް ފޮނުވައިގެން 172،000ރ. ގެ މުދާ ހޯދި މީހަކު ޖަލަށް