މ. މުލީގެ ބައެއްގެ ގޮތުގައި އެ ރަށާ ޖެހިގެން އޮންނަ ބޯހުރާ ރައީސް ޑރ. މުހައްމަދު މުއިއްޒު މިއަދު ކަނޑައަޅުއްވައިފި އެވެ.
ރައީސް މުއިއްޒު މިއަދު ނެރުއްވި ގަރާރަކުން ބޯހުރާއަކީ މުލީގެ ބައެއްގެ ގޮތުގައި ކަނޑައެޅުއްވީ، ދިވެހިރާއްޖޭގެ އިދާރީ ދާއިރާތައް ލާމަރުކަޒީ އުސޫލުން ހިންގުމުގެ ގާނޫނުގެ ދަށުން 2014 ވަނަ އަހަރުގެ އޮކްޓޯބަރު މަހުގެ 14 ވަނަ ދުވަހު ނެރުއްވި ދިވެހިރާއްޖޭގައި މީހުން ދިރިއުޅޭ ރަށްތައް ކަނޑައެޅުމުގެ ގަރާރު އިސްލާހުކޮށް ދިވެހިރާއްޖޭގެ އިދާރީ ދާއިރާތައް ލާމަރުކަޒީ އުސޫލުން ހިންގުމުގެ ގާނޫނުން އެ މަނިކުފާނަށް ލިބިދޭ ބާރުގެ ދަށުންނެވެ.
ޓޫރިޒަމް މިނިސްޓްރީގެ ދަށުގައި އޮންނަ 37 ހެކްޓަރުގެ ބޯހުރާއަކީ ރިސޯޓެއްގެ ގޮތުގައި ތަރައްގީ ކުރަން ނިންމާފައި އޮތް ރަށެކެވެ. ނަމަވެސް ކުރީގެ ސަރުކާރުން ވަނީ ރިސޯޓް ތަރައްގީކުރަން ރަށްރަށުގެ ލިސްޓުން ބޯހުރާ އުނިކޮށްފަ އެވެ.
ރައީސް ޑރ. މުއިއްޒު ގެންދަވަނީ ބައެއް ރަށްރަށުގެ އިހުސާސް ތެރެއަށް އެ ރަށް ކައިރީގައި އޮންނަ ފަޅުރަށްތަކާއި ފަޅުތައް ދެއްވަމުންނެވެ.
އެގޮތުން އދ. މަހިބަދޫގެ ބައެއްގެ ގޮތުގައި އދ. މާފަރުފަޅު ހަމަޖައްސާފައިވާއިރު، އއ. ބޮޑުފޮޅުދޫގެ ބައެއްގެ ގޮތުގައި އއ. ވެލިދުއްގައި ވަނީ ހަމަޖައްސައިފަ އެވެ. އަދި ނ. މާފަރުގެ ބައެއްގެ ގޮތުގައި ނ. ފަރުމުއްޔާއި ކަނޑިންމާހުރާ، ހއ. ތުރާކުނުގެ ބައެއްގެ ގޮތުގައި ވަނގާރު ހަމަޖައްސާފައިވާއިރު އުކުޅަހުގެ ބައެއްގެ ގޮތުގައި އއ. ގަލަގިލި ފަޅު ވަނީ ހަމަޖައްސައިފަ އެވެ.
ގުޅުންހުރި
އައިއެމްއެފްގެ އެހީއެއް ނުހޯދާނަން، އިންޑިއާ އިން ރާއްޖޭގެ ބުރަ ލުއިކޮށްދޭނެ: ރައީސް
ރައީސާއި ޖައިޝަންކަރާ ބައްދަލު ކުރައްވައިފި، ފުޅާ ދާއިރާއެއްގައި މަޝްވަރާ ކުރެއްވި
ވަޒީފާއަށް ފިލައިގެން އުޅުނު ކަމަށް ބުނެ ފުލުހަކު ވަކިކުރީ ގަވާއިދާހިލާފަށް: ހައި
ފުރަމާނަ ދަތުރުފުޅެއްގައި ރައީސްގެ ދެކަނބަލުން އިންޑިއާއަށް ފުރާވަޑައިގެންފި
އެޕާޓްމެންޓް ހަވާލުކޮށްފިނަމަ ދަރިންނާއެކު ވަންނާނެ ތަނެއް ނެތް: ބައްސާމް
ތަސްލީމް ހޯދަން އިންޓަޕޯލް ޔެލޯ ނޯޓިސް ނެރެފި