ރާއްޖެ އިން 60،000 ޑޮލަރު ބޭރުކުރަން އުޅުނު މީހަކު ހިފަހައްޓާފައިވާ ކަމަށް ހޯމް މިނިސްޓަރު އަލީ އިހުސާން ވިދާޅުވެއްޖެ އެވެ.
ހޯމްލޭންޑް ސެކިއުރިޓީ މިނިސްޓްރީން މިދިޔަ މިދިޔަ އާދީއްތަ ދުވަހު ބޭއްވި ނޫސްވެރިންގެ ބައްދަލުުވުގައި އިހުސާން ވިދާޅުވީ، ވެލާނާ އިންޓަނޭޝަނަލް އެއާޕޯޓުން ފުރަން އުޅުނު އެ މީހާ ހިފެހެއްޓީ މި މަހުގެ ކުރީކޮޅު ކަމަށެވެ. އެ މައްސަލަ މިހާރު ތަހުގީގު ކުރަމުން އަންނަ ކަމަށްވެސް ވިދާޅުވި އެވެ.
އެއީ ކޮން ގައުމެއްގެ މީހެއް ކަމެއް އަދި ހިފެހެއްޓީ ކޮންއިރަކު ކަމެއް އަދި އެކަމާ ގުޅޭ އިތުރު އެއްވެސް ތަފުސީލެއް މިނިސްޓަރު ނުދެއްވަ އެވެ.
ރާއްޖެ އިން 10،000 ޑޮލަރަށް ވުރެ ގިނަ އަދަދެއްގެ ފައިސާ ބޭރަށް ގެންދާ ހާލަތުގައި ފައިސާ ޑިކްލެއާކުރަން އޮންނަ އުސޫލު ސަރުކާރުން ވަނީ ހަރުކަށިކޮށްފަ އެވެ.
އެގޮތުން މިހާރު 10،000 ޑޮލަރަށް ވުރެ ގިނަ ޑޮލަރު ނުވަތަ އެހެން ފައިސާއެއް ނަމަވެސް ރާއްޖެ އިން ބޭރުކުރާ ނަމަ އެ ފައިސާ ހިފަހައްޓައި އެ ފައިސާ ހޯދީ ކޮން ތާކުން، ކިހިނެއްކަން ރަަނގަޅަށް ބަޔާންކޮށްދީ، ސާބިތުކޮށްދޭން ޖެހޭނެ އެވެ.
އަދި އެ މީހާ ދައްކަނީ ގާނޫނީ އިމުގެ ތެރެއިން ބަލާއިރު ހަމަޖެހޭ ވާހަކައެއްތޯ ބަލާފައި ނޫނީ އެ ފައިސާ ދުލެއް ނުކުރާނެ އެވެ.
ގުޅުންހުރި
ރައީސް މުއިއްޒަށް މަރުގެ އިންޒާރު ދިން ކަމަށް ތުހުމަތުވާ މީހާގެ ބަންދަށް
ހަށިގަނޑުގައި ރައްކާކޮށްގެން ޑްރަގް ގެންދަން އުޅުނު މީހަކު އެއާޕޯޓުން ހައްޔަރުކޮށްފި
އޮޅުވާލައިގެން ރާއްޖެއަށް އެތެރެވާން އުޅުނު 45 މީހަކު ހުއްޓުވައިފި
ދުނިޔޭގެ އެންމެ ބޮޑު ޝިޕިންލައިން އެމްއެސްސީގެ ދަތުރުތައް ރާއްޖެއަށް ފަށައިފި
ޑްރަގް ގަންނަން ފައިސާ ނުދިނުމުން މަންމައަށް އަނިޔާކުރި ދަރިފުޅަށް 6 މަހުގެ
ރާއްޖެއާއެކު އޮންނަ ގުޅުން އިތުރަށް ވަރުގަދަކުރަން ބޭނުން: ޖަޕާނުގެ ބޮޑުވަޒީރު