ރާއްޖޭގައި ތިބި އިސްރާއީލްގެ ޓޫރިސްޓުން ރާއްޖޭން ފައިބާން އަންގައިފި

ރާއްޖޭގައި ތިބި އިސްރާއީލް މީހުން ރާއްޖޭން ފައިބާން އިސްރާއީލުގެ ފޮރިން މިނިސްޓްރީން މިއަދު އަންގައިފިއެވެ.

އެގައުމުގެ ފޮރިން މިނިސްޓްރީން މިއަދު ބުނީ ރާއްޖޭގައި ތިބި އިސްރާއީލް މީހަކަށް ނުރައްކަލެއް ކުރިމަތި ވެއްޖެނަމަ އެހީތެރިވުމަށް އިސްރާއީލަށް ދަތިވާނެ ކަމަށެވެ.

އިސްރާއީލުގެ ފޮރިން މިނިސްޓްރީން ބުނީ އެގައުމުގެ ޕާސްޕޯޓް މަނާ ކުރުމަށް ރާއްޖޭގެ ގާނޫނަށް އިސްލާހުތަކެއް ގެނައުމުގެ މަސައްކަތް ދިވެހި ސަރުކާރުން ކުރަމުން އަންނަކަން މިއަދު އިއުލާނު ކޮށްފައިވާ ކަމަށެވެ.

ރައީސް އޮފީހުގައި މިއަދު ބޭއްވި ނޫސްވެރިންގެ ބައްދަލުވުމެއްގައި ހޯމް މިނިސްޓަރު އަލީ އިހުސާން ވިދާޅުވީ އިސްރާއީލް މީހުން ރާއްޖެ އަށް އެތެރެވުން މަނާ ކުރުމުގެ ގޮތުން ގާނޫނަށް ބަދަލުތަކެއް ނިންމައިފައިވާ ކަމަށެވެ.