އައްޑޫ މަސްވެރިން މިހާރު ކުރަމުންގެންދާ އިހްތިޖާޖުގެ ތެރެއިން ދައުލަތުގެ އެއްވެސް މުދަލަކަށް ގެއްލުން ނުދިނުމަށާއި، ސުލްހަވެރިކަމާއި އެކު އިހްތިޖާޖު ކުރުމަށް މަސްވެރިކަމާއި ކަނޑުގެ ވަސީލަތްތަކާއި ބެހޭ ވަޒީރު އަޙުމަދު ޝިޔާމު އެދިވަޑައިގެންފައެވެ.
ވަޒީރު ޝިޔާމު މިހެން އެދިވަޑައިގެންފައި މިވަނީ ހުޅުމީދޫ މިފްކޯ ބަނދަރުގައި 80 ވަރަކަށް މަސްވެރިން، ފައިސާ ނުލިބޭ މައްސަލައިގައި ކުރަމުންދާ މުޒާހަރާގައި އެކަށީގެންވާ ޖަވާބެއް ނުލިބިއްޖެ ނަމަ، މަސް ފެކްޓަރީގެ ހުރިހާ ސީނިއާ މުވައްޒަފުން ފެކްޓްރީން ބޭރުކޮށް މަސް ކެއްކުމަށް ހުރަސް އަޅާނެ ކަަމަށް މަސްވެރިން ބުނުމާއި ގުޅިގެންނެވެ.
އެކަމާ ގުޅިގެން ފުލުހުން މިރޭ ނެރުނު ބަޔާނެއްގައި ބުނީ މަސްވެރިން ކުރަމުންގެންދާ އިހުތިޖާޖު ސުލްހަވެރިކަމާއެކު ގާނޫނީ އިމުގެ ތެރެއިން ކުރިއަށް ގެންދިއުމަށް ފުރުސަތު ދީފައިވާ ކަމަށެވެ.
އެ ބަޔާނުގައި ފުލުހުން ވަނީ އެ ސަރަހައްދުގެ ރައްކާތެރިކަން ކަށަވަރުކުރުމަށް އެ އިދާރާއިން އަޅާ ފިޔަވަޅުތަކަށް މަސްވެރިންގެ ފަރާތުން އެއްބާރުލުންދިނުމަށް އެދިފަ އެވެ. އަދި އެގޮތަށް ކުރިއަށްގެންދާ އިހުތިޖާޖުތަކުގައި ގާނޫނާއި ގަވާއިދުތަކަށް ހުރުމަތްތެރިކޮށް ހިތައި އާންމު މަސްލަހަތު އިސްކުރުމަށްވެސް ފުލުހުން ވަނީ އިލްތިމާސްކޮށްފަ އެވެ.
މަސްވެރިކަމާއި ކަނޑުގެ ވަސީލަތްތަކާއި ބެހޭ ވަޒީރު އަޙުމަދު ޝިޔާމު ވިދާޅުވީ އައްޑޫ ފިޝަރީޒް ކޮމްޕްލެކްސް ސަރަހައްދުގައި ކުރިއަށްދާ އިހުތިޖާޖު ފެށުމުގެ ކުރިންވެސް އަދި މިހާރުވެސް ސަރުކާރުން ދަނީ މަސްވެރިންގެ ހުރި ޝަކުވާތައް ވަރަށް ގާތުން ބަލަމުން އަޑުއަހަމުން ކަމަށެވެ. އަދި އެކަމުގައި މިފްކޯ އަދި ސަރުކާރުން ކުރަމުންދާ މަސައްކަތުގެ ތަފްސީލުވެސް ހިއްސާ ކުރަމުންދާ ކަމަށެވެ.
ވަޒީރު ވިދާޅުވީ އިހްތިޖާޖުގައި އިސްކޮށް ހަރަކާތްތެރިވާ ފަރާތްތަކާއި ފޯނުން ގުޅައިގެން މުއާމަލާތްތައް ކުރެވެމުންދާ ކަމަށެވެ. އަދި ސަރުކާރުން މަސައްކަތްކުރަމުންދަނީ މަސްވެރިކަމުގެ ދާއިރާއިން ވެފައިވާ ވައުދުތައް ފުއްދުމަށްޓަކައި ކަމަށެވެ.
99 Comments
ގުޅުންހުރި
މަސްވެރިކަމުގައި ހުރި އެންމެ ބޮޑު ކަންބޮޑުވުމަކީ ބަނާ މަހަށް ހަމަ އަގު