ހއ. ދިއްދޫ މަގުތައް ޒަމާނީ ފެންވަރަށް ހެދުމުގެ މަޝްރޫއުގެ 52 ޕަސެންޓް މަސައްކަތް ނިމިފައިވާ ކަމަށް އެ މަޝްރޫއުގެ ކޮންޓްރެކްޓަރު ރޯޑް ޑިވެލޮޕްމަންޓް ކޯޕަރޭޝަން (އާރުޑީސީ) އިން ބުނެފި އެވެ.
ޖުމުލަ 108.5 މިލިއަން ރުފިޔާގެ މި މަޝްރޫއު އާރުޑީސީއާ ހަވާލުކުރީ މިދިޔަ ސަރުކާރުގައި 29 އޭޕްރިލް 2022 ގައެވެ. ނަމަވެސް އެ މަޝްރޫއުގެ މަސައްކަތް ވަކި ހިސާބަކުން އޮތީ ހުއްޓިފަ އެވެ.
ސަރުކާރު ބަދަލުވުމަށްފަހު އާރުޑީސީން އަލުން މަސައްކަތް ފެށި 17 ރަށުގެ ތެރޭގައި ދިއްދޫ މަގު ހެދުމުގެ މަޝްރޫއު ހިމެނޭއިރު، އެ މަޝްރޫއުގައި ޖުމުލަ 5.4 ކިލޯ މީޓަރު ހިމެނޭހެން މަގުތަކާއި ގޯޅިތައް ހަދާނެ އެވެ.
އާރުޑީސީން މި ނޫހަށް ބުނީ، އެ މަޝްރޫއުގެ ތެރެއިން ކޭބަލް ޖަންކްޝަން ހެދުމާއި ކޭބަލް ޖަންކްޝަން ހޮޅި އެޅުމުގެ 97 ޕަސެންޓް މަސައްކަތް ނިންމާލާފައިވާ ކަމަށެވެ.
އަދި ސްޓޯމް ވޯޓާ ޓޭންކުތައް ބެހެއްޓުމާއި ހޮޅިއެޅުމުގެ މަސައްކަތާއި ކޮނެގެން ކުރަންޖެހޭ މަސައްކަތްތައް ކުރަމުން އަންނައިރު، ސްޓޯމް ވޯޓާ ޓޭންކާއި ހޮޅި އެޅުމުގެ 77 ޕަސެންޓް މަސައްކަތް ނިމިފައިވާ ކަމަށްވެސް އާރުޑީސީން ބުންޏެވެ.
ގުޅުންހުރި
ހުޅުމާލޭ ހޮސްޕިޓަލްގެ އިމަޖެންސީ ރޫމުގެ ޖާގަ ދެގުނަ ބޮޑުކުރަން އާރުޑީސީއާ ހާވަލުކޮށްފި
ހުޅުމާލޭގައި ރޭސިން އަދި ޑްރިފްޓް ޓްރެކަކާއި ގޯ ކާޓް ޓްރެކަކާއި ވޯޓާ
އާރްޑީސީގެ ސްޓްރެޖެޓިކް އެކްޝަން ޕްލޭން އިފްތިތާހުކޮށްފި
އޮސްޓްރޭލިއާގެ އެހީގައި ތައްޔާރުކުރާ ގައުމީ ތަރައްގީގެ ޕްލޭނަށް ހިޔާލު ހޯދުމުގެ މަސައްކަތް
އެމްޑަބްލިޔުއެސްސީ އިން ތަކަންދޫގެ ފެނާއި ނަރުދަމާ ނިޒާމު ގާއިމުކުރުމުގެ މަސައްކަތް ނިންމާލައިފި
އިހަވަންދޫ މަގު ހެދުމުގެ މަޝްރޫއުގެ ބާރަށް ކުރިއަށް