އެއް ލީޓަރާއި އެއަށް ވުރެ ކުދި ޕްލާސްޓިކް ފެން ފުޅި ރާއްޖޭގެ ބާޒާރަށް ނެރުން މަނާވާ ތާރީހު 1 މާޗު 2026އަށް ފަސްކޮށްފި އެވެ. މިއީ އެ ތާރީހު ފަސްކުރި ދެ ވަނަ ފަހަރެވެ.
ރައީސް ޑރ. މުހައްމަދު މުއިއްޒު ސޮއިކުރައްވައި އިއްޔެ ނެރުއްވި ގަރާރުގައިވާ ގޮތުގައި، އެއް ލީޓަރާއި އެއް ލީޓަރަށް ވުރެ ކުދި 500 މިލިމީޓަރުގެ ޕްލާސްޓިކް ފުޅީގައި ބަންދުކޮށްފައި ހުންނަ ފެން ރާއްޖެ އަށް އެތެރެކުރުމާއި އުފެއްދުންވެސް އަންނަ އަހަރުގެ ޑިސެމްބަރު އެކަކުން ފެށިގެން މަނާވާނެ ކަމަށެވެ. އަދި ބާޒާރަށް އެ އެއްޗެހި ނެރުން މަނާ ވާނީ މާޗު 1، 2026 އިން ފެށިގެން ކަމަށް ގަރާރުގައިވެ އެވެ.
ރާއްޖެ އަށް އެތެރެކުރުމާއި އުފެއްދުމާއި ބާޒާރަށް ނެރުން މަނާ، އެއް ފަހަރު ބޭނުންކޮށްފައި އުކާލާ ޕްލާސްޓިކުގެ ބާވަތްތަކުގެ ލިސްޓެއް އެކުލަވާލީ ކުރީގެ ރައީސް އިބްރާހިމް މުހައްމަދު ސޯލިހުގެ ސަރުކާރުގަ އެވެ.
އެ ލިސްޓުގައި ހިމެނޭ ޕްލާސްޓިކް ކުދި ފެންފުޅި މަނާކުރާ ތާރީހަށް ފުރަތަމަ އޮތީ މިދިޔަ އަހަރުގެ ޑިސެމްބަރު 1 ވަނަ ދުވަހެވެ. ނަމަވެސް ރައީސް މުއިއްޒު ނެރުއްވި ގަރާރަކުން އެ ބާވަތް މަނާކުރާ ތާރީހު މިއަދަށް ފަސްކުރި އެވެ.
6 Comments
ގުޅުންހުރި
ރައީސަށް ނިސްބަތްކޮށް މަރުގެ އިންޒާރު ދިން މައްސަލައެއް ފުލުހުން ބަލަނީ
ފުލުހުންނަށް ނުބައި ނަމެއް ދިން މީހަކަށް ހަތަރު މަހުގެ ޖަލު ހުކުމެއް
ހައިކޯޓުގެ ފަނޑިޔާރުގެ މަގާމަށް ކުރީގެ ގާޒީ ޖަމީލާއި ޝަހީދު އައްޔަންކުރަނީ
އަސްކޮއިގެ ހިއްސާދާރުން ހިމެނޭ ކުންފުނިތަކަށް އުމްރާ ހުއްދަ ނުދޭން ނިންމައިފި
އަބްދުއްރަހުމާން މަރުވީ ބޮލަށް ލިބުނު އަނިޔާއެއްގެ ސަބަބުން: އޮޓޮޕްސީ ރިޕޯޓު
ދެވަނަ ކުއާޓަރުގައި އެސްޓީއޯއަށް ސާފު ފައިދާގެ ގޮތުގައި 163 މިލިއަން