ސަރުކާރުގެ ބޯހިޔާވަހިކަމުގެ ސިޔާސަތުގެ ދަށުން ދޫކޮށްފައިވާ ފްލެޓްތަކަށް މަހުން މަހަށް ފައިސާ ނުދައްކާ މީހުންގެ އަތުން ފްލެޓް އަތުލާނެކަމުގެ އިންޒާރު ސަރުކާރުން ދީފި އެވެ.
ހައުސިން މިނިސްޓްރީން މިއަދު ނެރުނު ނޫސްބަޔާނެއްގައި ބުނީ، ސަރުކާރުގެ ބޯހިޔާވަހިކަމުގެ ސިޔާސަތާއި ރައީސް ޑރ. މުހައްމަދު މުއިއްޒުގެ ރިޔާސީ ވައުދާ އެއްގޮތަށް މާލެ ސަރަހައްދު އަދި ރާއްޖޭގެ އެކި ރަށްރަށުގައި ތަރައްގީކޮށްފައިވާ ހައުސިން ޔުނިޓުތަކުން މަހުން މަހަށް ދައްކަންޖެހޭ ފައިސާގެ 20 ޕަސެންޓް މާފު ކޮށްދީފައިވާ ކަމަށެވެ.
އަދި މި އަހަރުގެ ފުރަތަމަ ދުވަހުން ފެށިގެން މަހުން މަހަށް ދައްކަންޖެހޭ ފައިސާ ގަވާއިދާ އެއްގޮތަށް ދެއްކުމަށް ޔުނިޓުގެ ވެރިފަރާތްތަކަށް އަންގާފައިވާނެ ކަމަށްވެސް ބުންޏެވެ.
މިނިސްޓްރީން ބުނީ، އެ އެންގުމާ އެއްގޮތަށް ގިނަ ބަޔަކު އަދިވެސް ފައިސާ ދައްކަމުން ނުދާތީ އެ ފައިސާ ގަވާއިދުން ދެއްކުމަށް އިލްތިމާސްކުރާ ކަމަށެވެ.
”އަދި ގަވާއިދުން ފައިސާ ދައްކަމުންނުދާ ފަރާތްތަކާއި ޔުނިޓް ކަނޑައެޅިފައިވާ ބޭނުން ނޫން އެހެން ބޭނުންތަކަށް ޔުނިޓުތައް ބޭނުންކުރުމާއި ގަވާއިދާ ހިލާފަށް ތަނަށް ބަދަލުގެނައުމާއި ކުއްޔަށް ދިނުމާ ގުޅޭ ކަންކަން މިނިސްޓްރީން ބަލަމުންދާ ވާހަކަ ދަންނަވަމެވެ. އެގޮތުން ގަވާއިދާ ހިލާފަށް އަމަލުކުރަމުންދާ ފަރާތްތަކާމެދު އެއްބަސްވުމާ އެއްގޮތަށް ފިޔަވަޅު އަޅާނެ ވާހަކަ ދެންނެވީމެވެ.“ މިނިސްޓްރީގެ ބަޔާނުގައި ބުނެފައިވެ އެވެ.
231 Comments
ގުޅުންހުރި
ރޯދަ ހަދިޔާގެ ގޮތުގައި މަސްދަޅު ކޭސް ބަހަން އަންނަ ހޮނިހިރު ދުވަހު
އެމްޕީއެލްގެ މުވައްޒަފަކަށް ފިޓް ޖެހިގެން ފަރުވާ ދެމުން ދަނިކޮށް ނިޔާވެއްޖެ
އެސްޓީއޯ ކޮންސްޓްރަކްޝަންސް ސޮލިއުޝަންސްގެ ރޯދަ ސޭލް ފަށައިފި
އަތޮޅުތަކުން މާލެއަށް 1530 ދަރިވަރުން ބަދަލުވެއްޖެ، ގިނައީ ހުޅުމާލެއަށް
އެފްޑީސީގެ ހުރިހާ ޓަވަރަކަށް ކަރަންޓު ގުޅައި ނިންމާލައިފި
ޓެކުހަށް މަކަރު ހެދި މައްސަލައިގައި ދެ ޑޮކްޓަރުންނަށް ދައުވާކޮށްފި