ޖަޕާނަށް ބާރުގަދަ ބިންހެލުމެއް އައިސް ސުނާމީގެ އިންޒާރު ނެރެފި އެވެ.
ޖަޕާން ޓައިމްސްގައި ބުނެފައިވާ ގޮތުން ރެކްޓާ މިންގަނޑުން 7.1 މެގްނިޓިއުޑުގެ ބާރުމިނުގެ މި ބިންހެލުން އައީ އެ ގައުމުގެ ހުޅަނގު ދެކުނުގައި އޮންނަ ކިޔޫޝޫގެ ދެކުނަށެވެ.
އެމެރިކާގެ ޖިއޮލޮޖިކަލް ސާވޭއާ ހަވާލާދީ ބައެއް ރިޕޯޓްތައް ބުނާ ގޮތުން އެ ބިންހެލުން އައުމުގެ ކުރިން ރެކްޓާ މިންގަނޑުން 6.9 މެގްނިޓިއުޑުގެ ބާރުގަދަ ބިންހެލުމެއްވެސް އަ އެވެ.
ބިންހެލުމާއި ގުޅިގެން ކިޔޫޝޫ އަދި ޝިކޯކޫއަށް ސުނާމީގެ އިންޒާރު ދީފައިވާއިރު، އެ ސަރަހައްދުގައި ދިރިއުޅޭ މީހުން އުސް ހިސާބުތަކަށް ދިއުމަށް ވަނީ ނަސޭހަތްތެރިވެފަ އެވެ.
ޖަޕާން ޓައިމްސްގައި ބުނެފައިވާ ގޮތުން ސުނާމީގެ އިންޒާރު ދީފައިވާ ސަރަހައްދަށް ގާތްގަނޑަކަށް އެއް މީޓަރު ނުވަތަ ތިން ފޫޓުގެ ސުނާމީއެއް އަރާފާނެ ކަމަށް ލަފާކުރެވެ އެވެ.
ޖަޕާނަކީ އާންމުކޮށް ބިންހެލުން އަންނަ ޕެސިފިކް ރިންގް އޮފް ފަޔާގައި އޮންނަ ގައުމެކެވެ. އެ ގައުމަށް މި އަހަރުގެ ކުރީކޮޅު އައި ބިންހެލުމެއްގައި 48 މީހުން ވަނީ މަރުވެފަ އެވެ.
![](https://haftha.mv/wp-content/uploads/2024/04/Scam-call-ad-MMA.jpg)
![](https://haftha.mv/wp-content/uploads/2024/04/Scam-call-ad-MMA.jpg)
ގުޅުންހުރި
ޓެކްސީ ސެންޓަރެއްގައި ރަޖިސްޓްރީ ނުވެ، ޓެކްސީ ލައިސަންސް ނުލިބޭ ގޮތަށް ހަދައިފި
މާލޭގެ މަގުތަކަށް ދޫކޮށްލާފައި ހުރި ބާ ވެހިކަލްތައް އަނެއްކާވެސް ނަގަން ފަށައިފި
އިންޓަޕޯލްގެ ރެޑް ނޯޓިސް ނެރެގެން ހޯދި ތިން މީހަކު ހައްޔަރުކޮށްފި
ރައީސް އެމެރިކާއަށް ފުރާވަޑައިގެންފި
ރާއްޖެއަށް އެންމެ މަންފާ ހުރި ގޮތަކީ އެހެން ގައުމުތަކާ ގުޅިގެން މަސައްކަތްކުރުން:
މުޅި ރާއްޖޭގެ ތަރައްގީގެ ތަސައްވަރެއް އަދިވެސް އޮތީ އެމްޑީޕީގައި: ޝާހިދު