މަގުމަތީގައި އުޅޭ ބުޅާތައް ހިފައިގެން ގެންގޮސް، އެ ކައްކައިގެން ކައި ހަދާ ކަމަށް ތުހުމަތުވާ ބިދޭސީއެއް ހޯދަން ބުޅާތަކުގެ ހައްގުގައި މަސައްކަތް ކުރާ ޖަމިއްޔާތަކުން ފަށައިފި އެވެ.
މަގުމަތީގައި އުޅޭ ބުޅާތަކުގެ ހައްގުގައި މަސައްކަތް ކުރާ ވެލްފެއާ ފޮ އައިލެންޑް ކެޓްސް (ޑަބްލިޔުއައިސީ) އަދި ފެލައިން ވެލްފެއާ އޯގަނައިޒޭޝަނުން ގުޅިގެން އެކްސްގައި ކޮށްފައިވާ ޕޯސްޓެއްގައި ހޯދަމުންދަނީ ބަންގްލަދޭޝްގެ ރައްޔިތެއް ކަމަށްވާ އެމްޑީ އަރަފާތް ހޮސެއިން އެވެ. ނަމަވެސް މިހާރު އޭނާ ރާއްޖޭގައި އުޅެމުންދަނީ ގަވާއިދާ ހިލާފަށް ކަމަށް ބުނެފައިވެ އެވެ.
އޭނާގެ ވޯކް ޕާމިޓުގައި ބުނެފައިވާ ގޮތުން އޭނާ ރާއްޖޭގައި އަދާކުރަމުންދަނީ ވެއިޓަރެއްގެ ވަޒީފާ އެވެ.
ޖަމިއްޔާތަކުން ބުނާ ގޮތުގައި އެ ބިދޭސީ މީހާއަކީ މަގުމަތީގައި އުޅޭ ބުޅާތައް ހިފައިގެން ގޮސް، އެ އެއްޗެހި ކައްކައިގެން ކައި އުޅޭ މީހެކެވެ. އަދި އޭނާ ބުޅާމަސް ވެސް ވިއްކާ ކަމަށް ބުނެފައިވެ އެވެ.
އެ ޕޯސްޓު ޖެހުމުން އޭނާ ދަންނަ މީހަކު ފޭސްބުކުގައި ކުރި ޕޯސްޓެއްގައި ބުނެފައިވަނީ، އެ ބިދޭސީ މީހާ އުޅެނީ އޭނާގެ ގޭގައި ކުއްޔަށް ކަމަށާއި އޭނާ އުޅޭ ކޮޓަރިން އަބަދުވެސް ބުޅާ ރޯ އަޑު އިވޭ ކަމަށެވެ. އަދި އެ ބުޅާތަކަށް ފެނާއި ބުޅާ ކާނާ އަޅާފައި ދޮރުމަތީގައި ބަހައްޓާއިރަށް، ބުޅާ ގެންދާ ކަމަށްވެސް ބުނެފައިވެ އެވެ.
އެ ޕޯސްޓުގައި ބިދޭސީ މީހާގެ ކޮޓަރި ތެރެއިން ބޯ ނެތް ބުޅަލެއް ފެނުނު ކަމަށްވެސް ތުހުމަތުކޮށްފައިވެ އެވެ.
މިކަމާ ގުޅޭ ގޮތުން މީޑިއާ އިން ފުލުހުންނާއި އިމިގްރޭޝަން މީޑިއާ ގުރޫޕުގައި ސުވާލު ކުރުމުން ފުލުހުން ވަކި އެއްޗެއް ބުނެފައެއް ނުވެ އެވެ.
އިމިގްރޭޝަނުން މިހާރު ވަނީ އޭނާ އެ އިދާރާއަށް ހާޒިރުކުރުމަށް އަންގައި ނޯޓިސް ނެރެފަ އެވެ. އެ ނޯޓިސްގައި ކުރިއަށް އޮތް ފަސް ދުވަހުގެ ތެރޭގައި އޭނާ އެ އިދާރާއަށް ހާޒިރުވާން ވަނީ އަންގައިފަ އެވެ.
44 Comments
ގުޅުންހުރި
ހައްލު ނުލިބެނީސް، ބޮޑުކަންނެލީގެ މަސްވެރިން ތިބީ އިހުތިޖާޖު ހުއްޓާލާ ގޮތަކަށް ނޫން!
އެސްޓީއޯ ރަމަޒާން ބާޒާރު ޕްރޮމޯޝަން ފަށައިފި، ބޮޑު އިނާމަކަށް އެއް ލައްކަ
ބުރިޖުގެ މަރާމާތުގެ މަސައްކަތަކަށް މިރޭ 11:45 އިން ފެށިގެން އެއް ލޭނު
ސިނގިރޭޓު ވައްކަން: އާއްޓޭ އާއި ދިގަލި ހިމެނޭހެން ދިހަ މީހަކަށް ދައުވާކޮށްފި
ވައިގެމަގުން އެތެރެކުރަން އުޅުނު ދެ މިލިއަން ރުފިޔާގެ ޑްރަގު އަތުލައިގެންފި
5 މަސް ތެރޭގައި ނުކުޅެދުންތެރިކަން ހުންނަ މީހުންގެ ދަފުތަރަށް 500 މީހުން