ކުރިއަށް އޮތް ޓޫރިސްޓް ސީޒަނަށް ގަތަރު އެއާވޭސް އިން ރާއްޖެއަށް ކުރާ ދަތުރުތައް އިތުރުކުރަން ނިންމައިފި އެވެ.
ގަތަރުގެ ގައުމީ އެއާލައިން، ގަތަރު އެއާވޭސް އިން ރާއްޖެއަށް މިހާރު ބާއްވަނީ ހަފުތާއަކު 21 ފްލައިޓެވެ.
ގަތަރު އެއާވޭސްގެ ވެބްސައިޓުގައި ބުނެފައިވާ ގޮތުން މި އަހަރުގެ ޑިސެމްބަރު 13 އިން ފެށިގެން އެ އެއާލައިނުން ރާއްޖެއަށް ހަފުތާއަކު 28 ފްލައިޓް ބާއްވަން ވަނީ ނިންމައިފަ އެވެ. އަދި އެ ދަތުރުތަކަށް ޖަރުމަނާއި އިޓަލީ އަދި ޔޫކޭގެ ދަތުރުވެރިންނަށް މިހާރު ބުކިން ހެއްދޭނެ ކަމަށްވެސް ބުންޏެވެ.
ގަތަރު އެއާވޭސް އިން ވަނީ ކުރިއަށް އޮތް ފިނިމޫސުމަށް ރާއްޖޭގެ އިތުރުން ލަންޑަން، މިއާމީ އަދި ޓޯކިޔޯއަށް ކުރާ ދަތުރުތައްވެސް އިތުރުކުރަން ނިންމައިފަ އެވެ.
ނޮވެމްބަރުން މާޗު މަހާ ދެމެދު ކުރިއަށްދާ ރާއްޖޭގެ ޓޫރިސްޓް ސީޒަނަށް ގިނަ އެއާލައިންތަކަކުން ރާއްޖެއަށް ކުރާ ދަތުރުތައް އިތުރުކުރެ އެވެ.
ގުޅުންހުރި
ޓެކްސީ ސެންޓަރެއްގައި ރަޖިސްޓްރީ ނުވެ، ޓެކްސީ ލައިސަންސް ނުލިބޭ ގޮތަށް ހަދައިފި
މާލޭގެ މަގުތަކަށް ދޫކޮށްލާފައި ހުރި ބާ ވެހިކަލްތައް އަނެއްކާވެސް ނަގަން ފަށައިފި
އިންޓަޕޯލްގެ ރެޑް ނޯޓިސް ނެރެގެން ހޯދި ތިން މީހަކު ހައްޔަރުކޮށްފި
ރައީސް އެމެރިކާއަށް ފުރާވަޑައިގެންފި
ރާއްޖެއަށް އެންމެ މަންފާ ހުރި ގޮތަކީ އެހެން ގައުމުތަކާ ގުޅިގެން މަސައްކަތްކުރުން:
މުޅި ރާއްޖޭގެ ތަރައްގީގެ ތަސައްވަރެއް އަދިވެސް އޮތީ އެމްޑީޕީގައި: ޝާހިދު