އޭޕްރިލް 5, 2025

ރައްޔިތުނުން ބުނަމުންދަނީ ސަރުކާރުގެ ވެރިން އަނގަ ހައްދުޖަހަން ޖެހިއްޖެ ކަމަށް: އިބޫ

މި ސަރުކާޜުގައި ވެރިންގެ އަނގައިގައި ހައްދުޖަހަން ޖެހޭ ހިސާބަށް ކަންކަން ގޮސްފައިވާ ކަމަށް ކުރީގެ ރައީސް އިބްރާހިމް މުހައްމަދު ސޯލިހު ވިދާޅުވެއްޖެ އެވެ.

އެމްޑީޕީން މިއަދު ކުޅުދުއްފުށި ސިޓީގައި ފެށި ”ލާމަރުކަޒީ ގުޅުން“ ކޮންފަރެންސްގައި ވާހަކަދައްކަވަމުން އިބޫ ވިދާޅުވީ މި ސަރުކާރަށް ވޯޓު ދިން ބައެއް މީހުން އެ މަނިކުފާނަށް ގުޅުއްވަމުންދާ ކަމަށެވެ. އެ ފަރާތްތަކުން ބުނަމުންދަނީ މި ސަރުކާރުން ވަނީ ރިޔާސީ އިންތިހާބާ ދިމާކޮށް ގިނަ ދޮގުތަކެއް ހަދައިފައި ކަމަށާއި މި ސަރުކާރަށް ވޯޓު ދެވުނީ އެ ދޮގުތަކަކީ ހަގީގަތެއް ކަމަށް ބެލެވިގެން ކަމަށެވެ.

”އަޅުގަނޑުގެ ރައްޓިއްސަކު ފޯނުން ގުޅައި ބައްދަލުކޮށް ބުނީ ރިޔާސީ އިންތިހާބުގައި އިބޫއަކަށް ވޯޓެއް ނުދެމޭ. ކިހިނެއްތޯވީ ސުވާލު ކުރުމުން، އޭރު އެމީހުން ދެއްކި ވާހަކަ ހަގީގަތުގައި ވެސް ގަބޫލުކުރެވުނު ކަމަށް ބުނި. ރާއްޖޭގެ މިނިވަންކަން ވެސް ގެއްލެނީ ކަމަށް ގަބޫލު ކުރެވުނީއޭ. މިތަނުގައި ބޭރުގެ ސިފައިން ތިބި ކަމަށް ގަބޫލު ކުރެވިގެންނޭ. އެކަމަކު ތިމަންނައަށް މިއަދު އެނގިއްޖެއޭ އެއީ ދޮގުކަން.“ ސޯލިހު ވިދާޅުވި އެވެ.

”އޭގެ ތެރޭގައި މިހާރު އެތިބީ އަނގަ ހައްދު ޖަހަން ޖެހިފައި ތިބި މީހުންނޭ. މިއީ އެމީހާ އައިސް އަޅުގަނޑު ކައިރީގައި ދެއްކި ވާހަކަ. ނުފޯރާ ފޮތިން ފޫގެޅީމަ ވާ ގޮތް ވެފައޭ އެތިބީ. އުޑަށް ކުޅު ޖެހީމަ ވާ ގޮތް ވެފައޭ އެތިބީ،“

ސޯލިހު ވިދާޅުވީ މި ސަރުކާރުން ވަނީ އެމްޑީޕީގެ ސަރުކާރުން ފެށި ގިނަ ކަންތައްތަކެއް ހުއްޓާލައިފައި ކަމަށެޗެ. އަދި މި މި ސަރުކާރުން ދަނީ ލާމަރުކަޒީގާނޫނުން ރައްޔިތުންނާއި ކައުންސިލްތަކަށް ކަށަވަރުކޮށްދީފައިވާ ބާރުތައް އަތުލުމަށް މަސައްކަތް ކުރަމުން ކަމަށެވެ.

އެކަން ކުރުމުގެ ގޮތުން ”އެޓޯލްސް މިނިސްޓްރީ“ އުފައްދާފައިވާ ކަމަށް ސޯލިހު ވިދާޅުވި އެވެ. އެ މަނިކުފާނު ވިދާޅުވީ ބާރުތައް އެގޮތަށް ރައްޔިތުންގެ އަތުން އަތުލުމަށް މަސައްކަތް ކުރަމުންދާނަމަ ރައްޔިތުން އެކަމާ ދެކޮޅަށް ތެދުވާނެ ކަމަށެވެ.

މި ސަރުކާރުން ރިޔާސީ އިންތިހާބާ ދިމާކޮށް ދޮގު ހެދި ކަމަށާއި އޭރު ވޯޓު ނުދިނީ އިދިކޮޅުން ހެދި ދޮގުތައް ގަބޫލު ކުރެވިގެން ކަމަށް ބުނަމުންދާ ކަމަށެވެ.

3 Comments

  • Shareefa Manike އޮކްޓޯބަރ 12, 2024

    Enme furathama anga hahdhu jehenee konkameh kon gothakah kureema kanves RIMS ebajehey dhaskuran

  • ބޮނޑެކަލޭފާނުގެ އާދަމްއަލީގެ މުހައްމަދު އާދަމް އޮކްޓޯބަރ 13, 2024

    Choarey choarey 🤣

  • Anwer Saadath އޮކްޓޯބަރ 13, 2024

    Garunuge ehme bodu vagu

Leave a Reply to Anwer Saadath Cancel reply