ސިނގިރޭޓު ބޭނުންކުރާ މީހުންނަށް އާސަންދައިން ބަލިވެގެން ބޭސްފަރުވާ ނުދޭން ހިމަނަންޖެހޭ ކަމަށް ވިލިމާލެ ދާއިރާގެ މެންބަރު މުހައްމަދު އިސްމާއިލް ވިދާޅުވެއްޖެ އެވެ.
ވޭޕް އެތެރެކުރުން މަނާކުރާ ތާރީހާ ހަމައަށް، އެ ބާވަތްތަކުން ނަގާ އިމްޕޯޓް ޑިއުޓީ ބޮޑުކުރުމަށާއި ސިނގިރޭޓުން ނަގާ ޑިއުޓީ ބޮޑު ކުރުމަށް ރައްޔިތުންގެ މަޖިލީހަށް ހުށަހެޅި ބިލުގެ ބަހުސްގައި ވާހަކަދައްކަވަމުން މުހައްމަދު އިސްމާއިލް ވިދާޅުވީ މި ބިލަކީ ދައުލަތަށް އާމްދަނީއެއް ހޯދަން ހުށަހަޅާފައިވާ ބިލެއް ކަމަށް ބުނެ ބައެއް މެންބަރުން ވާހަކަދައްކަވަމުންދާ ކަމަށާއި އެއީ ހަގީގަތެއް ނޫން ކަމަށެވެ.
އަދި ރާއްޖޭގެ އާބާދީގެ 37 ޕަސެންޓަކީ ޒުވާނުންނަށްވާއިރު އޭގެ ތެރެއިން ބޮޑު ޕަސެންޓެއް ވޭޕް ބޭނުންކުރަމުންދާ ކަމަށާއި އުމުރުން ހަތް އަހަރުގެ ކުޑަކުދިންވެސް އެ ބޭނުން ކުރަން ފަށާފައިވާ ކަމަށެވެ. އެއީ ބަލަން ތިބެވޭނެ ކަމެއް ނޫން ކަމަށްވެސް އޭނާ ވިދާޅުވި އެވެ.
އޭނާ އިތުރަށް ވިދާޅުވީ ރައީސް ޑރ. މުހައްމަދު މުއިއްޒު ވޭޕާއި ސިނގިރޭޓުން ޑިއުޓީ ބޮޑުކުރުމަށް މަޖިލީހަށް ބިލެއް ފޮނުވާފައި ވަނީ އާމްދަނީ ހޯދަން ނޫން ކަމަށާއި އެއަށްވުރެ މާމާތް މަގުސަދެއްގައި ކަމަށެވެ. އެއީ ރާއްޖޭގެ ރައްޔިތުންނަށް ދުޅަހެޔޮ މުސްތަގުބަލެއް ގާއިމުކޮށްދިނުމަށްޓަކައި، ވޭޕްގެ ތެރޭގައި ހަލާކުވެގެންދާ ޒުވާން ޖީލު ރަނގަޅުކޮށް މުޖުތަމައަށް އަނބުރާ ގެނައުން ކަމަށްވެސް ވިދާޅުވި އެވެ.
”އަޅުގަނޑު ގޮވާލަން މި ސިނގިރޭޓުގެ އަމަލުތައް ކޮށްގެން ބޮޑެތި ބަލިތަކަށް އާސަންދައިން ފަރުވާ ކުރާކުރުން، މި ސިނގިރޭޓު ބައްލަވާ އެއްވެސް ފަރާތަކަށް މި އާސަންދައިން ބަލިވެގެން ބޭސްކޮށްނުދިނުންވެސް މި ބިލުގެ ތެރޭގައި ނިމިގެން އަންނައިރު އޮތުން ވަރަށް ބޮޑަށް ފާހަގަކުރަން،“ މުހައްމަދު އިސްމާއިލް ވިދާޅުވި އެވެ.
18 Comments
ގުޅުންހުރި
އިރާން-އިޒްރޭލް ހަނގުރާމައަށްވުރެ ބޮޑު ގެއްލުމެއް ލިބޭނީ އެމްޑީޕީގެ ސަބަބުން: ފަލާހު
މަޖިލީހުގެ 65 މެންބަރަކާއި ސިފައިންނާއި ފުލުހުންގެ 80 ޕަސެންޓް ޖެމްކިއު ބޭނުންކުރޭ:
ސިނގިރޭޓް އަގުބޮޑުކޮށް ވޭޕް މަނާކުރުމުން މޫނަށް ދުންބުރުވާ މީހުން މަދުވެއްޖެ: ރައީސް
ދުންފަތް ވިއްކާ މީހުން ތިބީ އަޅުގަނޑު ދެކެ ހިތްހަމަނުޖެހިފައި: އެކަމަކު ވަރިހަމަ:
2007 އިން ފެށިގެން އުފަންވި މީހުނަށް ދުންފަތް މަނާކުރާ ބިލު ރައީސް
ދުންފަތާ ދެކޮޅަށް ރައީސް ކުރައްވާ މަސައްކަތަށް ޑަބްލިއުއެޗްއޯގެ ޑިރެކްޓަރު ޖެނެރަލްގެ ހާއްސަ