ރައީސް ޑރ. މުހައްމަދު މުއިއްޒަށް ރިޔާސީ އިންތިހާބުގައި ތާއީދު ކުރެވުނީތީ މިހާރު ވަރަށް ބޮޑަށް ހިތާމަ ކުރައްވާ ކަމަށް ކުރީގެ ރައީސް އަބްދުﷲ ޔާމީން ވިދާޅުވެއްޖެ އެވެ.
ރާއްޖެ ޓީވީގެ ފަށާއިރު ޕްރޮގްރާމުގައި ވާހަކަދައްކަވަމުން ޔާމީން މިއަދު ވިދާޅުވީ މި ސަރުކާރު ހިންގަމުންދާ ގޮތުގެ ސަބަބުން ރައްޔިތުން ތަހައްމަލު ކުރަންދަނީ ހިތްދަތި ދުވަސްތަކެއް ކަަމަށެވެ. ސަރުކާރުގެ ފަރާތުން ރައްޔިތުންނަށް މިވަރުގެ ދެރައެއް ލިބިދާނެ ކަމަށް އުންމީދު ނުކުރައްވާ ކަމަށް ޔާމީން ވިދާޅުވި އެވެ.
”އެބްސޮލިއުޓްލީ ވަރަށް ރިގްރެޓް ކުރަން. އެއީ އަޅުގަނޑުމެންގެ ތެރެއިން އަޅުގަނޑުމެންގެ ސްޓޮކުން. މިވާހަކަ އަޅުގަނޑު ޕީއެންއެފް ޖަލްސާއެއްގައި ވެސް ބުނިން. އަޅުގަނޑުމެންގެ މުޑުވަކުން އަޅުގަނޑުމެން ރައްޔިތުންނަށް ދެއްކި ބޭފުޅެއް މިއީ އެނގޭތޯ. އެއްވެސް ގޮތަކަށް އުންމީދެއް ނުކުރަން މިހާދޭސީކޮށް މިހައި ޣައިރު ޒިންމާދާރުކޮށް މިހައި ރެކްލެސްކޮށް ކަންތައްތައް ހިނގާދާނެ ކަމަށް އަޅުގަނޑު އުންމީދެއް ނުކުރަން“ ޔާމީން ވިދާޅުވި އެވެ.
ޔާމީން ވިދާޅުވީ މި ސަރުކާރާމެދު ހިތްހަމަނުޖެހުންތަކެއް ހުއްޓަސް ސަރުކާރު ވައްޓާލަން ނުވަތަ ސަރުކާރަށް ދެރައެއް ލިބިދާނެ ކަމަށް އިދިކޮޅު އެންމެ ބޮޑު ޕާޓީ އެމްޑީޕީއާ ގުޅިގެން ނުކުރައްވާނެ ކަމަށެވެ. އެމްޑީޕީއަކީ ރައްޔިތުންގެ މަންފާއަށް މަސައްކަތް ކުރާ ބައެއް ކަމަށް ގަބޫލުނުކުރާ ކަމަށް ޔާމީން ވިދާޅުވި އެވެ.
ރާއްޖެއަށް މި ހާލަތަށް ވެއްޓިގެން ދިޔައީ އެމްޑީޕީގެ ސަބަބުން ކަމަށާއި އެކަމުގެ ޒިންމާ އެ ޕާޓީން ނަގަން ޖެހޭނެ ކަމަށް ޔާމީން ވިދާޅުވި އެވެ.
14 Comments
ގުޅުންހުރި
ދުންފަތާ ދެކޮޅަށް ރައީސް ކުރައްވާ މަސައްކަތަށް ޑަބްލިއުއެޗްއޯގެ ޑިރެކްޓަރު ޖެނެރަލްގެ ހާއްސަ
ކުޅިވަރު ގާނޫނަށް އިސްލާހު ގެނައުމުގެ ބިލު ރައީސް ތަސްދީގު ކުރައްވައިފި
ކުޅިވަރު އެސޯސިއޭޝަންތަކުގެ ހިންގުމަށް އެއްވެސް ނުފޫޒެއް ނުފޯރުވަން: ރައީސް
މަސް ކިލޯއެއް 20ރ.އަށް ހަދައިދޭން ރައީސް އަރިހުގައި އެދިއްޖެ
އަބްދުއްރަހީމާއި ޝިޔާމް އަޅުގަނޑު ދޫކޮށްދިއުމުން ހިތަކަށް އެއްވެސް އެއްޗެއް ނާރާ: ޔާމީން
ދިވެހި އާއިލާތައް ބަދަހިވެ، ފުދުންތެރިވި ވަރަކަށް ގައުމުގެ ކުރިއެރުން ހަލުވިވާނެ: ރައީސް