ސައުދީ އަރަބިއްޔާގެ ރަސްގެފާނު ސަލްމާން ބިން އަބްދުލްއަޒީޒް އާލްސައޫދުގެ ދައުވަތަކަށް ރައީސް ޑރ. މުހައްމަދު މުއިއްޒު ސައުދީ އަރަބިއްޔާއަށް ރޭ ފުރާވަޑައިގެންފި އެވެ.
ރައީސް އޮފީހުން ރޭ ބުނީ އެ ދަތުރުފުޅަކީ ޣައްޒާގައި އިސްރާއީލުން ހިންގަމުންދާ އަނިޔާވެރި ލާއިންސާނީ އަމަލުތަކާ ގުޅިގެން އިސްލާމީ އަރަބި ގައުމުތަކުގެ ލީޑަރުން އެއްތަނަކަށް އެއްވެ ކުރިއަށް އޮތް ތަނުގައި އެޅުއްވޭނެ ފިޔަވަޅުތަކާ ގުޅޭ ގޮތުން މަޝްވަރާކުރެއްވުމަށް ބާއްވާ އަރަބި އިސްލާމީ ގައުމުތަކުގެ ސަމިޓުގައި ބައިވެރިވެވަޑައިގަތުމަށް ރައީސް ކުރައްވާ ދަތުރުފުޅެއް ކަމަށެވެ.
އަދި މިއަދު ރާއްޖޭގެ ފަރާތުން އެ ސަމިޓުުގައި ރައީސް ބަޔާން އިއްވަވާނެ ކަމަށް ރައީސް އޮފީހުން ބުންޏެވެ.
ޖުމްހޫރީ ދުވަހުގެ މުނާސަބަތުގައި ރޭ ބޭއްވި ރަސްމިއްޔާތުގައި ވާހަކަފުޅު ދައްކަވަމުން ވެސް ރައީސް ވިދާޅުވީ ރާއްޖެއަކީ ދުނިޔޭގެ މަސްރަހުގައި ފަލަސްތީނުގެ ހައްގުގައި އެންމެ އަޑުއަހަރުކޮށް އެންމެ ސާފުކޮށް ވަކާލާތުކުރަމުންދާ އެއް ގައުމު ކަމަށެވެ.
އަދި ސައުދީއަށް ފުރާވަޑައިގަންނަވަން ހަމަޖެހިފައި އޮތްކަން ހާމަކުރައްވައި ރައީސް ވިދާޅުވީ އެ ދަތުރުފުޅަކީ ފަލަސްތީނުގެ ހައްގުގައި އިސްލާމީ އަރަބި ގައުމުތަކަށް ކުރެވިދާނެ މަސައްކަތްތައް ދެނެގަތުމަށް ސައުދީ އަރަބިއްޔާއިން އިސްނަގައިގެން ބާއްވާ ސަމިޓުގައި ބައިވެރިވެވަޑައިގަތުމަށް ކުރައްވާ ދަތުރުފުޅެއް ކަމަށެވެ.
13 Comments
ގުޅުންހުރި
މަޑިވަރު ފިނޮޅު ހިމާޔަތްކޮށް، ރަސްދޫ ރައްޔިތުންނަށް ފައިދާވާ ގޮތަށް ތަރައްގީކޮށްދޭނަން: ރައީސް
ފެބްރުއަރީ މަހު ތޮއްޑޫގައި ސީޕްލޭންގެ ހިދުމަތް ފަށަނީ
އަންނަ އަހަރު ކުރީކޮޅު ބޮޑުފޮޅުދޫގައި 50 ހައުސިން ޔުނިޓު އަޅައިދިނުމުގެ މަސައްކަތް
ދައުލަތުގެ އާމްދަނީން މީޑިއާތަކަށް 0.1 ޕަސެންޓް ދޭން އިއުލާންކޮށްފި
މިއަދާ ހަމަޔަށް އޮތީ ދިއުޅި ދިގު ނިޒާމެއް ކަމަށް، އެކަން ބަދަލުކުރީ
ކައުންސިލްތަކުގެ ބާރު ހަނިކުރުމަށް ގާސިމް ތާއިދު ކުރައްވައިފި