މި ސަރުކާރުގެ ސިޔާސަތަކީ މުއްސަނދިންގެ އަތުން ނަގައި، ނިކަމެތި މީހާއަށް ދީ، އަދުލުވެރިކުރުން ކަމަށް ރައީސް ޑރ. މުހައްމަދު މުއިއްޒު ވިދާޅުވެއްޖެ އެވެ.
ޖުމްހޫރީ ދުވަހުގެ މުނާސަބަތުގައި ރޭ ދަރުބާރުގޭގައި ބޭއްވި ރަސްމިއްޔާތުގައި ވާހަކަފުޅު ދައްކަވަމުން ރައީސް ވިދާޅުވީ، ބައިނަލްއަގުވާމީ މާލީ އިދާރާތަކުގެ ލަފަޔާ އެއްގޮތަށް ބައެއް އިސްލާހުތައް ގެނެސްފައިވާ ކަމަށެވެ.
އެގޮތުން އެންމެ ނިކަމެތި މީހާއާއި އެންމެ މުހިންމު މީހާއަށް މިހާރަށްވުރެވެސް ރަނގަޅަށް އެހީތެރިކަން ލިބޭ ގޮތަށް އަދި އެންމެ މުއްސަނދި މީހާ އަތުން ހޯދާފައި އެންމެ ނިކަމެތި މީހާއަށް ލިބޭ ނިޒާމު ގެނެސް އަދަލުވެރިކަން ގެންނާނެ ކަމަށް ވިދާޅުވި އެވެ.
”މުއްސަނދިންގެ އަތުގައި ހުރިހާ މުއްސަނދިކަމެއް ބޭއްވުމުގެ ބަދަލުގައި ޑިސްޓްރިބިއުޓް ކޮށްލައި، އެންމެ ނިކަމެތި މީހާ މިހާރު ހުރި ނިކަމެތިކަމުން ނަގައި، މައްޗަށް ޖައްސާލައި ހަމަހަމަކޮށްލައި، އަދުލުވެރިކުރުން އެއީ އަޅުގަނޑުމެންގެ ސިޔާސަތު،“ ރައީސް ވިދާޅުވި އެވެ.
އެ މަނިކުފާނު ވިދާޅުވީ، ދައުލަތަށް ލިބެން ހުރި ފައިސާ ހޯދުމަށް މިދިޔަ އަހަރެއްހާ ދުވަހު ގަވާއިދުތަކާއި ގާނޫނުތައް އަދި ތަންފީޒީ ދާއިރާ ވަރުގަދަކޮށްގެން ގިނަ މަސައްކަތްތަކެއް ކުރެވިފައިވާ ކަމަށެވެ. އެގޮތުން ސަރުކާރަށް އެކި ފަރާތްތަކުން ދައްކަންޖެހިފައި ނަމަވެސް ނުހޯދިވާ ފައިސާގެ ތެރެއިން 3.7 ބިލިއަން ރުފިޔާ ހޯދާފައިވާ ކަމަށާއި އެކަމުގެ ސަބަބުން ނަގަންޖެހޭ ދަރަނިވެސް މަދުވެފައިވާ ކަމަށް ވިދާޅުވި އެވެ.

49 Comments
ގުޅުންހުރި
ރައީސްގެ ޔޫކޭ ދަތުރުފުޅު: ލިވަޕޫލްގެ ފުޓްބޯޅަ އެކެޑަމީއެއް ރާއްޖޭގައި ހަދަން މަޝްވަރާ
ސިނގިރޭޓު ވިއްކާ ފަރާތްތަކަށް ރައީސް: ތިއީ ކުރާވަރުގެ ކަމެއް ނޫން، އެހެންކަމަކާ
އޯޓިޒަމް ހުންނަ ކޮންމެ ކުއްޖަކީ މޮޅު ކުއްޖެއް، އެ ކުދީންނަށް ލޯބިދިނުމަކީ
ލިވަޕޫލް އާއެކު ހިންގާ ކެމްޕެއިން ރަސްމީކޮށް އިއުލާން ކުރުމަށް ރައީސް ޔޫކޭއަށް
ރާއްޖޭގެ މިނިވަންކަން ގާއިމުކުރަން ހިންގާ މަޝްރޫއުތަކުގެ އަގު 100 މިލިއަން ޑޮލަރަށް
އީދު ކުލަގަދަކޮށް ފާހަގަކުރުމުގެ އިންތިޒާމުތައް ހަމަޖެއްސި ފަރާތްތަކަށް ރައީސްގެ ޝުކުރު