އޭޕްރިލް 3, 2025

ކަނޑުންނާއި ފަޅުން ދޫކޮށްފައިވާ ގޯތިތައް އަންނަ އަހަރު ހަވާލުކޮށް ނިންމާނަން: ރައީސް

އަންނަ އަހަރުގެ ތެރޭގައި ގުޅިފަޅު، ހުޅުމާލެ ފޭސް 3 އަދި ގިރާވަރުފަޅު ހިއްކައި ނިންމައި އެ ތަންތަނުން ދޫކޮށްފައި ހުރި ގޯތިތައް ހަވާލުކޮށް ނިންމަވާނެ ކަމަށް ރައީސް ޑރ. މުހައްމަދު މުއިއްޒު ވިދާޅުވެއްޖެ އެވެ.

އެ ތިން ތަން ހިއްކަން ފެށީ މާލޭ މީހުންނަށް ގޯތި ދިނުމަށް ކުރީގެ ރައީސް އިބްރާހިމް މުހައްމަދު ސޯލިހުގެ ސަރުކާރުގަައި ފެށި ބިންވެރިޔާ ސްކީމުގެ ތެރެއިންނެވެ.

ސަރުކާރަށް އެއް އަހަރު ފުރުން ފާހަގަކުރުމަށް ސޯޝަލް ސެންޓަރުގައި މިރޭ ބޭއްވި ޖަލްސާގައި އެ މަނިކުފާނުގެ ސަރުކާރުގެ ކާމިޔާބީތައް ހިއްސާ ކުރައްވަމުން ރައީސް ވިދާޅުވީ، ކުރީ ސަރުކާރު ނިމުނުއިރު ގުޅިފަޅުން ހިއްކައި ނިމިފައި އޮތީ 44 ޕަސެންޓް ކަމަށާއި މި ސަރުކާރު ވެރިކަމާއި ހަވާލުވެ، އޭރު ހިއްކަން ހަމަޖެހިފައި އޮތް ސަރަހައްދު މިހާރު އެއްކޮށް ހިއްކައި ނިންމާފައިވާ ކަމަށެވެ.

އަދި މި ސަރުކާރުގެ ޕްލޭނާ އެއްގޮތަށް އެ ފަޅުގެ އެންމެ ފުން ސަރަހައްދާއެކު ހިއްކުމަށް ވަރަށް އަވަހަށް ބަޔަކާ ހަވާލުކޮށް އަންނަ އަހަރު މުޅި ގުޅިފަޅު އެއްކޮށް ހިއްކައި ނިންމާނެ ކަމަށް ވިދާޅުވި އެވެ.

ރައީސް ވިދާޅުވީ، ސަރުކާރާ ހަވާލުވި އިރު، ހުޅުމާލެ ފޭސް 3ގެ 17 ޕަސެންޓް ހިއްކާފައި އޮތް ކަމަށާއި މިހާރު 38 ޕަސެންޓް ހިއްކައި ނިންމާފައިވާ ކަމަށެވެ. އަދި ކުރިއަށް އޮތް ހައެއްކަ މަސް ދުވަހުގެ ތެރޭގައި ބާކީ އޮތް ބިން ހިއްކައި ނިންމާނެ ކަމަށް ވިދާޅުވި އެވެ.

ގިރާވަރުފަޅުގެ ފަހުގެ މައުލޫމާތު ދެއްވަމުން ރައީސް ވިދާޅުވީ، އެ ފަޅުގެ 19 ޕަސެންޓް ހިއްކާފައި އޮތްއިރު، މި ސަރުކާރު ހަވާލުވެ އެ ތަނުގެ 33 ޕަސެންޓް ހިއްކައި ނިންމާފައިވާ ކަމަށެވެ.

”މި މަޝްރޫއުގައި (ގިރާވަރުފަޅު ހިއްކުމުގައި) އޮތީ ބޭރުގެ ފަރާތްތަކަށް ވަރަށް ބައިވަރު ބިންތައް ލިބޭ ގޮތަށް ހަދާފައި. ވަރަށް ގަޑުބަޑު ގޮތަކަށް އެގްރިމެންޓް ހަދާފަ އޮތީ. އޭގެ ތެރެއިން ނުކުންނަން މި މަސައްކަތް ކުރަނީ. ނުކުމެ ރައްޔިތުންނަށް އެންމެ ފައިދާވާނެ ގޮތަށް އެންމެ ކުޑަ ހަރަދަކުން އެތަން ހިއްކާ ނިންމަން،“ ރައީސް ވިދާޅުވިއެވެ.

އެ މަނިކުފާނު ވިދާޅުވީ މި ތިން ތަން ހިއްކައި ނިމުމުން ކުރީގެ ސަރުކާރުން ކަނޑުންނާއި ފަޅުން ދީފައި ހުރި ގޯތިތައް ހަވާލުކޮށް ނިންމާނެ ކަމަށެވެ.

4 Comments

  • Nasiha Moosa ނޮވެމްބަރ 18, 2024

    މިސަރުކާރުން 30 މީޓަރު ފެނުއަޑިންދިނުން ރަނގަޅު

    • Moona Moony ނޮވެމްބަރ 19, 2024

      Nasiha Moosa bodah rangalhee jahvin dhiniyyaa

  • Jun Natt ނޮވެމްބަރ 19, 2024

    kadunnaai falhun ves dheve gotha gavaidhu innaathi dhevi fai vani..??? komme sarukaare othas kureve kame gaanoonun ves hudha kurevifai vaathi dhe veni…ane kaa ves bune ven ini kureesarukaarey kureesarukaarey
    mikan kuree… mikame nukure vey neye…
    e,ee misarukaarun koffa veenama yageen bunaane e,ee hama gavaidhun ney kuree..
    hiyaatha bahaalhi gavaidhun…

  • Mohamed Aiman ނޮވެމްބަރ 21, 2024

    Furathama balaabala eggamun dheyn jehey ehchehi dhee nimmey tho 🤣

Leave a Reply