ސަރުކާރުގެ ވަޒީފާތަކުން ރިޓަޔާ ކުރާ މީހުންނަށް ކޮންމެ މަހަކު ދެމުން އަންނަ އެލަވަންސް ކަނޑާލަން ސަރުކާރުން ނިންމި ނަމަވެސް، އެ ނިންމުން ބަދަލުކޮށް އެލަވަންސް ދޭން އަލުން ނިންމައިފި އެވެ.
އަލަށް ރިޓަޔާ ކުރާ މީހުންނަށް ޕެންޝަން ނުދޭން ކުރިން ނިންމި ނިންމުން ބަދަލުކޮށްފައިވާކަން އަންގައި ފިނޭންސް މިނިސްޓްރީން ވަނީ މިދިޔަ ހަފުތާގައި އިދާރާތަކަށް ސިޓީއެއް ފޮނުވައިފައެވެ.
އެނގިފައިވާ ގޮތުގައި ޕެންޝަން ނުދިނުމަށް ސަރުކާރުން ނިންމި ނިންމުންބަދަލުކުރަން އެންގެވީ ރައީސް ޑރ. މުހައްމަދު މުއިއްޒެވެ.
އެކަމާ ގުޅިގެން ސަރުކާރުން އަދި ރަސްމީކޮށް މައުލޫމާތު ހާމައެއް ނުކުރެ އެވެ.
ޕެންޝަން ދިނުން ހުއްޓާލަން އަންގައި ފިނޭންސުން މީގެ ކުރިން ފޮނުވި ސިޓީގައި ވަނީ މިއަންނަ އަހަރުގެ ޖެނުއަރީ މަހުން ފެށިގެން އަމަލުކުރަން ފަށާ އުސޫލެއްގެ ދަށުން، ރިޓަޔާ ކުރާ މީހުންނަށް ކޮންމެ މަހަކު ލިބޭ އެލަވަންސް ދެން ނުލިބޭނެ ކަމަށެވެ. ނަމަވެސް ރިޓަޔާ ކުރާ މުވައްޒަފުންނަށް ގަނޑުކޮށް ދޭ ފައިސާ ދެމުންދާނެ ކަމަށެވެ.
އެ ފިޔަވަޅު އަޅަނީ ސަރުކާރުން ޚަރަދު ކުޑަކުރުމަށް ކުރާ މަސައްކަތްތަކުގެ ތެރެއިން ކަމަށެވެ.
12 Comments
ގުޅުންހުރި
މަޑިވަރު ފިނޮޅު ހިމާޔަތްކޮށް، ރަސްދޫ ރައްޔިތުންނަށް ފައިދާވާ ގޮތަށް ތަރައްގީކޮށްދޭނަން: ރައީސް
ފެބްރުއަރީ މަހު ތޮއްޑޫގައި ސީޕްލޭންގެ ހިދުމަތް ފަށަނީ
އަންނަ އަހަރު ކުރީކޮޅު ބޮޑުފޮޅުދޫގައި 50 ހައުސިން ޔުނިޓު އަޅައިދިނުމުގެ މަސައްކަތް
ދައުލަތުގެ އާމްދަނީން މީޑިއާތަކަށް 0.1 ޕަސެންޓް ދޭން އިއުލާންކޮށްފި
މިއަދާ ހަމަޔަށް އޮތީ ދިއުޅި ދިގު ނިޒާމެއް ކަމަށް، އެކަން ބަދަލުކުރީ
ކައުންސިލްތަކުގެ ބާރު ހަނިކުރުމަށް ގާސިމް ތާއިދު ކުރައްވައިފި