އެ މަނިކުފާނު ސަރުކާރުގެ މަގާމުތަކަށް މީހުން އައްޔަން ކުރައްވަނީ ވައްކަން ކުރަން ނޫން ކަމަށް ރައީސް ޑރ. މުހައްމަދު މުއިއްޒު ވިދާޅުވެއްޖެ އެވެ.
ރައީސް އޮފީހުގެ ބޭރުގައި ހުންނަވައި ނޫސްވެރިންނަށް މިއަދު ދެއްވި އިންޓަވިއުއެއްގައި ރައީސް ވިދާޅުވީ ހިޔާނާތެއް ނުވަތަ ގަވާއިދާ ހިލާފަށް ހިންގާ ކަމެއް ހުއްޓުވުމަށް ފަހަތަށް ޖެހިވަޑައިނުގަންނަވާނެ ކަމަށާއި އެގޮތުން މީގެ ކުރިންވެސް އެފަދަ މައްސަލަތަކުގައި އެކި މީހުންނަށް ފިޔަވަޅު އަޅަން ކަމާބެހޭ ފަރާތްތަކަށް އަންގަވާފައިވާނެ ކަމަށެވެ.
އަދި ބޭނުންފުޅު ވަނީ އެ މަނިކުފާނު ވައުދުވެވަޑައިގެންނެވި ގޮތަށް ކޮރަޕްޝަނާއި ފަސާދައާއި ނުގަވާއިދުން ހިންގާ ކަންކަމުން ދުރުވެފައިވާ ސަރުކާރެއް ކަމަށްވެސް ރައީސް ވިދާޅުވި އެވެ.
ރައީސް އިތުރަށް ވިދާޅުވީ، ސަރުކާރުގެ އެކި މަގާމުތަކަށް އެ މަނިކުފާނު މީހުން އައްޔަން ކުރައްވަނީ ތެދުވެރިކަމާއި އަމާނަތްތެރިކަމާއެކު ރައްޔިތުންނަށް ހިދުމަތް ކުރުމަށް ކަމަށެވެ.
”އަޅުގަނޑު މަގާމުތަކަށް މީހުން ލަނީކީ ވައްކަންކުރާކަށް ނޫން. ކޮރަޕްޝަން ހިންގާކަށް ނޫން، ގަވާއިދާހިލާފު ކަމެއް ކުރާކަށް ވެސް ނޫން،“ ރައީސް ވިދާޅުވިއެވެ.
އެ މަނިކުފާނު އިތުރަށް ވިދާޅުވީ ކުރީ ސަރުކާރުން ގަވާއިދާ ހިލާފަށް ކޮށްފައިވާ ކަންތައްތަކަށް ޖަވާބުދާރީ ވަނީ އެ ސަރުކާރަކުން ކަމަށާއި އެ މަނިކުފާނުގެ ސަރުކާރުގައި ކޮރަޕްޝަނަށް ޖާގަ ނޯންނާނެ ކަމަށެވެ.
8 Comments
ގުޅުންހުރި
ހައްލު ނުލިބެނީސް، ބޮޑުކަންނެލީގެ މަސްވެރިން ތިބީ އިހުތިޖާޖު ހުއްޓާލާ ގޮތަކަށް ނޫން!
އެސްޓީއޯ ރަމަޒާން ބާޒާރު ޕްރޮމޯޝަން ފަށައިފި، ބޮޑު އިނާމަކަށް އެއް ލައްކަ
ބުރިޖުގެ މަރާމާތުގެ މަސައްކަތަކަށް މިރޭ 11:45 އިން ފެށިގެން އެއް ލޭނު
ސިނގިރޭޓު ވައްކަން: އާއްޓޭ އާއި ދިގަލި ހިމެނޭހެން ދިހަ މީހަކަށް ދައުވާކޮށްފި
ވައިގެމަގުން އެތެރެކުރަން އުޅުނު ދެ މިލިއަން ރުފިޔާގެ ޑްރަގު އަތުލައިގެންފި
5 މަސް ތެރޭގައި ނުކުޅެދުންތެރިކަން ހުންނަ މީހުންގެ ދަފުތަރަށް 500 މީހުން