ހިޔާނާތުގެ ތެރެއިން ބިމާއި ފްލެޓް ދިން ކަމަށް ތުހުމަތު ކުރެވޭ ބޮޑެތި މައްސަލަތަކެއްގެ ތެރޭގައި އޮތް އެޗްޑީސީގެ އޮފީހުން ވަގަށް ނެގި ފަސް ލެޕްޓޮޕް ހޯދައިފި އެވެ.
ފުލުހުން ރޭ ބުނީ އެޗްޑީސީގެ ފަރުކޮޅުފުށި އޮފީސް ފަޅާލައި ލެޕްޓޮޕްތަކެއް ވަގަށް ނެގި މައްސަލަ ރޭ ރިޕޯޓުކޮށްފައިވާ ކަމަށެވެ.
ފުލުހުން ކުރިން ބުނެފައި ވަނީ ލެޕްޓޮޕް ވަގަށް ނެގިކަމުގެ ތުހުމަތު ކުރެވޭ މީހާ މިވަގުތު ހުރީ މަސްތުވާތަކެއްޗާ ގުޅޭ މައްސަލައެއްގައި ހައްޔަރު ކޮށްފައި ކަމަށާއި އެ މީހާގެ ފަރާތުން އެއްބާރުލުން ލިބޭ ކަމަށެވެ. އޭގެ ދެ ގަޑިއެއްހާއިރު ފަހުން ފުލުހުން މީޑިއާގައި ބުނީ ”ފަސް ލެޕްޓޮޕް މިހާރު ވަނީ ރިކަވާ ކުރެވިފައި“ ކަމަށެވެ.
އެކަމަކު، ލެޕްޓޮޕް ފެނުނީ ކޮން ތާކުން ކަމެއް އަދި ހޯދި ގޮތެއް ނުބުނެ އެވެ.
އެނގިފައިވާ ގޮތުގައި ވައްކަން ކުރި މީހާ ހޯދީ ސީސީޓީވީ ފުޓޭޖުގެ އެހީގަ އެވެ.
އެޗްޑީސީން ލެޕްޓޮޕްތަކެއް ވަގަށް ނަގާފައި މިވަނީ އެ ތަނުގައި ހިންގާފައިވާ ކަމަށް ހިޔާނާތުގެ ބޮޑެތި ކަންކަމުގެ ތަހުގީގެއް ފުލުހުންނާއި އެންޓި ކޮރަޕްޝަން ކޮމިޝަނުން ކުރަމުން ދަނިކޮށެވެ. އެ މައްސަލަ ތަހުގީގު ކުރަމުން ދަނިކޮށް އެޗްޑީސީގެ މެނޭޖިން ޑިރެކްޓަރުގެ މަގާމުގައި ހުންނެވި އިބްރާހިމް ފަޒުލް ރަޝީދު ވަނީ މިދިޔަ ހޮނިހިރު ދުވަހު އިސްތިއުފާ ދެއްވައިފަ އެވެ.
5 Comments
ގުޅުންހުރި
ކުލި ނުދައްކާ ހިޔާ ފުލެޓުތަކުގެ ޖޫރިމަނާތައް މައާފުކޮށްދީފި
ދެ ތަނެއް ބަލައިފާސްކޮށް، ޑުރަގާއެކު ހަތަރު މީހަކު ހައްޔަރުކޮށްފި
ކަނޑޫމާ ތިލަ ކައިރިން މަރުވެފައި އޮތް މީހަކު ފެނިއްޖެ
މާރާމާރީ ހިންގި މައްސަލައެއްގައި އަނެއްކާވެސް ފުލުހަކު ހައްޔަރަށް
ދޯންޏެއްގައި އެކަނި ދަތުރަކަށް ނުކުމެ އުޅުނު މީހަކު ކަނޑުވެފައި ވަނިކޮށް ސަލާމަތްކޮށްފި
ހުޅުމާލޭ ރައްޔިތުންގެ ރައްކާތެރިކަމަށް އެޗްޑީސީން ވަކި ސެކިއުރިޓީ ހިދުމަތެއް