އަވަށްޓެރިއާގެ ގެއަށް 3 އަހަރުގެ ކުއްޖަކު ގެންގޮސް ރޭޕްކޮށްފި، އަވަށްޓޭރިއާ ހުރީ ބަލަން!

އިންޑިއާގެ އުއްތަރަ ޕްރަދޭޝްގެ ބަންޑާ ޑިސްޓްރިކްޓުގައި ހުންނަ ގެއަކަށް ތިން އަހަރުގެ ކުއްޖަކު ގެންގޮސް ރޭޕްކޮށްފި އެވެ.

ފުލުހުންނާ ހަވާލާދީ އިންޑިއާގެ ނޫސްތަކުން ބުނެފައިވާ ގޮތުން އެ ކުއްޖާ ރޭޕްކޮށްފައިވަނީ އަވަށްޓެރިއެއްގެ ގެއަކަށް ގެންގޮސްފަ އެވެ. އެކަން ކޮށްފައިވަނީ އަވަށްޓެރިއާގެ ފިރިހެން ރަހުމަތްތެރިއެއް ކަމަށާއި ރޭޕް ކުރި އިރު، އަވަށްޓެރިއާ ހުރީ ބަލަން ކަމަށްވެސް ބުނެފައިވެ އެވެ.

”އަހަރެމެންގެ ދަރިފުޅު ހުރީ ގޭ ބޭރުގައި ކުޅެން. ހުއްޓާ ޗޮކްލެޓާއި ޗިޕްސް އާ އެއްޗެހި ދީގެން ހައްދައިގެން ގެންގޮސް ރޭޕްކުރީ. ދަރިފުޅު ގެއަށް އައިސް ކުރިމަތި ފަރާތް ދައްކާފަ ތަދުވާ ވާހަކަ ބުނީ. އޭރު ގިނަ އަދަދަކަށް ލޭ އާދޭ،“ ކުއްޖާގެ މަންމަ ބުންޏެވެ.

ރޭޕްގެ ޝިކާރައަކަށްވި ކުއްޖާއަށް ހޮސްޕިޓަލުގައި ފަރުވާ ދެމުންދާ އިރު، އެ މައްސަލައިގައި ފުލުހުން ވަނީ އަވަށްޓެރިއާއާއި އޭނާގެ ރަހުމަތްތެރިޔާ ހައްޔަރުކޮށްފަ އެވެ.