ބޯޓު ފަރަށް އަރައި ރޯދަ ހަދިޔާގެ ގޮތުގައި ފޮނުވި 1،000 އަށްވުރެ ގިނަ ކާޑު ބަސްތާ މޫދަށް

ރޯދަ މަހަށް ގއ. ނިލަންދުއާއި ގއ. ދާންދޫގެ މީހުންނަށް ފޮނުވި 1،070 އަށްވުރެ ގިނަ ކާޑު ބަސްތާ ބަރުކޮށްގެން ދަތުރު ކުރަމުންދިޔަ ދޯންޏެއް ފަރަށް އަރައިފި އެވެ.

ގއ. އަތޮޅު ކައުންސިލުން މިއަދު ބުނީ ފަރަށް އެރި ލިއޯ ވިންގް ނަމަކަށް ކިޔާ ދޯނީގައި ހުރީ އެ ދެ ރަށުގެ ގެތަކަށް ލިއޯ ޓްރޭޑިންގެ ޗެއާމަން އަބްދުﷲ ސަވާދު ފޮނުވި ކާޑު ބަސްތާތައް ކަމަށެވެ. އޭނާ ފޮނުވީ އެ ދެ ރަށުގެ ކޮންމެ ގެއަކަށް ހަނޑޫ، ހަކުުރ އަދި ފުށް ބަސްތާއެކެވެ.

ކައުންސިލުން ބުނީ ބޯޓު ފަރަށް އެރުމުގެ ސަބަބުން ދޯނީގައި ހުރި ހުރިހާ ކާޑު ބަސްތާތަކެއް މޫދަށް އެޅިފައިވާ ކަމަށާއި މޫދަށް އެޅިފައިވަނީ 50 ކިލޯގެ ބަސްތާތަކެއް ކަމަށެވެ.