އަންނަ ހޮނިހިރު ދުވަހުގެ މެންދުރުވުމުގެ ކުރިން ހަމާސް އިން އިޒްރޭލުގެ ރަހީނުން މިނިވަން ނުކޮށްފި ނަމަ އެއްބަސްވުން އުވާލައި އަލުން ވަރުގަދަ ހަމަލާތައް ދޭން ފަށާނެ ކަމުގެ އިންޒާރު އިޒްރޭލުގެ ބޮޑުވަޒީރު ބެންޖަމިން ނަތަންޔާހޫ މިއަދު ދީފި އެވެ.
ފަލަސްތީނު މިނިވަންކަމަށް ޖިހާދުކުރާ ހަމާސް ޖަމާއަތާއި އިޒްރޭލާ ދެމެދު ވި އެއްބަސްވުމަށް އަމަލުކުރަން ފަށާފައިވަނީ މި މަހުގެ 19 ވަނަ ދުވަހު އެވެ. އެ އެއްބަސްވުމުގެ ދަށުން އިޒްރޭލުގެ ރަހީނުންގެ ތެރެއިން ގިނަ ބަޔަކާއި އިޒްރޭލުގެ ޖަލުތަކުން ފަލަސްތީނުގެ އެތައް ސަތޭކަ ބަޔަކު ވަނީ މިނިވަންކޮށްފަ އެވެ.
ނަމަވެސް އެއްބަސްވުމާ އިޒްރޭލުން ހިލާފުވެ ބަޑީގެ ހަމަލާތައް ދިނުމާއި އެހީގެ ސާމާނު ޣައްޒާއަށް ވެއްދުމަށް ހުރަސްއަޅާތީ ހަމާސް އިން ވަނީ އަންނަ ހޮނިހިރު ދުވަހު މިނިވަންކުރަން ނިންމާފައިވާ ރަހީނުން މިނިވަންކުރުމުގެ މަސައްކަތް ވަކި މުއްދަތެއް ނެތި ފަސްކޮށްފައިވާކަން އިއްޔެ އިއުލާންކޮށްފަ އެވެ.
”އަންނަ ހޮނިހިރު ދުވަހުގެ މެންރުވުމުގެ ކުރިން އިޒްރޭލުގެ ރަހީނުން މިނިވަން ނުކޮށްފި ނަމަ، ހަމަލާތައް ހުއްޓާލަންވީ އެއްބަސްވުން ނިމުމަކަށް އަންނާނެ. އަދި ހަމާސް ބަލިކުރެވެންދެން އިޒްރޭލުގެ އަސްކަރިއްޔާ އިން ކުރީގެ ވަރުގަދަ ހަމަލާތައް އަލުން ދޭން ފަށާނެ،“ ހަތަރު ގަޑިއިރުގެ ސެކިއުރިޓީ ކެބިނެޓް ބައްދަލުވުމަށްފަހު ނަތަންޔާހޫ ބުންޏެވެ.
އޭނާ ބުނީ، އިޒްރޭލު ސިފައިން ޣައްޒާގެ އެތެރޭގެ އާއި ވަށައިގެން ޖަމާވުމަށް ވެސް މިހާރު އަންގާފައިވާ ކަމަށެވެ.
14 Comments
ގުޅުންހުރި
ނުރައްކާތެރި މެނިންގޯކޮކަލް ބަލި ފެނުނުކަން އެޗްޕީއޭ އިން ބުނީ، ބަލީގައި ޒުވާނަކު
ނުރައްކާތެރި އިންވޭސިވް މެނިންގޯކޮކަލް ބަލީގެ ކޭސްއެއް އަނެއްކާވެސް ފެނިއްޖެ
އަންނަ ހޯމަ އިން ފެށިގެން ކަނޑުތައް ގަދަވެ، ވިއްސާރަކުރާނެ، އުދައިގެ އަސަރުކުރުން
ރާއްޖޭގެ ވޯޓާއެކު އައިއެލްއޯގެ އޮބްޒަވާ ގައުމެއްގެ ގޮތުގައި ފަލަސްތީނު ބަލައިގެންފި
އީދު ދުވަހު ހަވީރު ވެހިކަލް ދުއްވައިގެން 141 މީހަކަށް ފިޔަވަޅު އަޅައިފި
ސައުދީގައި ޕްރޮފެސަރެއްގެ ގަޔަށް ވަޅި ހަރައި މަރާލައިފި، ޕްރޮފެސަރުގެ އަންހެނުން އައިސީޔޫގައި