ރަށްރަށުގައި ސަރުކާރުން ހިންގަން ނިންމާފައިވާ ފްލެޓް މަޝްރޫއުގެ ތެރެއިން އަމިއްލަ ގޯތީގައި ގެ ހަދަން ބޭނުންވާ މީހުންނަށް ސަރުކާރުން ގެ ހަދައިދޭން ނިންމާފައިވާކަން ރައީސް ޑރ. މުހައްމަދު މުއިއްޒު އިއުލާން ކުރައްވައިފި އެވެ.
ރާއްޖޭގެ 57 ރަށެއްގައި 12،000 އަށްވުރެ ގިނަ ފްލެޓް ހަދައިދޭން ސަރުކާރުން ނިންމައި މިދިޔަ ޖަނަވަރީ މަހުގެ ތެރޭގައި ވަނީ ބީލަމަށް ހުޅުވާލައިފަ އެވެ.
ނަމަވެސް ރޭ ދ. ކުޑަހުވަދޫގެ ރައްޔިތުންނާ ބައްދަލުކުރައްވައި ރައީސް ވަނީ އެ ރަށުގައި ހަދާ ފްލެޓް މަޝްރޫއުގެ ތެރެއިން އަމިއްލަ ގޯތީގައި ގެ ހަދަން ބޭނުންވާ މީހުންނަށް އެ ފުރުސަތު ދެއްވުމުގެ ވިސްނުންފުޅު ގެންގުޅުއްވާ ކަމަށް ވިދާޅުވެފަ އެވެ.
ދ. މީދޫގެ ރައްޔިތުންނާ މިރޭ ބައްދަލުކުރައްވައި ރައީސް ވަނީ އެ ރަށުގައި ހިންގަން ނިންމާފައިވާ 200 ފްލެޓް މަޝްރޫއުގެ ތެރެއިން އަމިއްލަ ގޯތީގައި ގެ ހަދަން ބޭނުންވާ މީހުންނަށް އެ ފުރުސަތު ދެއްވާނެ ކަމަށް ވިދާޅުވެފަ އެވެ. އަދި އެ ފުރުސަތު ފްލެޓް މަޝްރޫއު ހިންގަން ނިންމާފައިވާ ހުރިހާ ރަށެއްގެ ރައްޔިތުންނަށްވެސް ހުޅުވާލާފައިވާ ކަމަށް ރައީސް ވިދާޅުވި އެވެ.
”ހައުސިން ޕްރޮޖެކްޓް އަޅަން އިއުލާން ކުރި ކޮންމެ ރަށެއްގެ ކައުންސިލަށް އަޅުގަނޑު ދަންނަވާލަން ބޭނުންވަނީ ކުރިއަށް އޮތް މަސް ތެރޭގައި، ރަމަޟާން މަސް ނިމުމުގެ ކުރީގައި އެ ރަށެއްގެ ރައްޔިތުންގެ ތެރެއިން އަމިއްލަ ގޯތީގައި މީގެން ހައުސިން ޔުނިޓެއް އަޅަން ބޭނުންވާ ފަރާތްތައް ކަނޑައަޅައި ދެއްވާށޭ. ކަނޑައަޅުއްވާފައި އެ މައުލޫމާތު މިނިސްޓްރީއަށް ފޮނުއްވައިދެއްވާށޭ،“ ރައީސް ވިދާޅުވި އެވެ.
ރައީސް ވިދާޅުވި ހައުސިން މަޝްރޫއުގެ ތެރެއިން ފްލެޓް ހަދާނީ އަމިއްލަ ގޯތީގައި ގެ ހަދަން ބޭނުންވާ މީހުން ބެލުމަށްފަހު އެކަމަށް ވަކި އަދަދެއް ކަނޑައަޅާފައި ބާކީވާ ބައެވެ. އެ މަޝްރޫއުގެ ތެރެއިން ހަދަން ނިންމާފައިވަނީ ތިން ކޮޓަރީގެ ޔުނިޓްތަކެއް ކަމުން، އަމިއްލަ ގޯތީގައިވެސް ސަރުކާރުން ހަދައިދޭނީ ތިން ކޮޓަރީގެ ގެއެއް ކަމަށްވެސް ވިދާޅުވި އެވެ.
86 Comments
ގުޅުންހުރި
މާލޭގެ ކެފޭއެއްގެ ތެރޭގައި ޒުވާނަކަށް ތޫނު އެއްޗަކުން ހަމަލާދީފި
ޓެކްސް ނުދައްކާ ކުންފުނިތަކުގެ ލިސްޓުގައި މަޝްހޫރު ލިޓަސް ގުރޫޕުގެ ދެ ކުންފުންޏެއް!
ރައީސްގެ ތަސައްވުރު: އެމްއެންޑީއެފްގައި އެއާފޯސްއަކާއި ނޭވީއަކާއި އާމީއެއްވެސް އުފެއްދުން!
ސިފައިންނަށް ވަސީލަތް ހޯދައިދޭތީ މަލާމާތްކުރާ މީހުނަށް ރައީސްގެ ރައްދު: ތިއީ ގައުމީ
ބިމެއް ވިއްކާނެ ކަމަށް ބުނެ މީހެއްގެ އަތުން ބައި މިލިއަން ނެގި
ތާރީހީ ދުވަހެއް: 40 އަހަރަށްފަހު ހަރަމްފުޅެއްގެ އިމާމަކު ރާއްޖެއަށް، ކިއީ ރަތް
މާލޭގެ ކެފޭއެއްގެ ތެރޭގައި ޒުވާނަކަށް ތޫނު އެއްޗަކުން ހަމަލާދީފި
ޓެކްސް ނުދައްކާ ކުންފުނިތަކުގެ ލިސްޓުގައި މަޝްހޫރު ލިޓަސް ގުރޫޕުގެ ދެ ކުންފުންޏެއް!
ރައީސްގެ ތަސައްވުރު: އެމްއެންޑީއެފްގައި އެއާފޯސްއަކާއި ނޭވީއަކާއި އާމީއެއްވެސް އުފެއްދުން!
ސިފައިންނަށް ވަސީލަތް ހޯދައިދޭތީ މަލާމާތްކުރާ މީހުނަށް ރައީސްގެ ރައްދު: ތިއީ ގައުމީ