ކަރަންޓު ބިލު ދައްކަން ދަތިވާ ފަރާތްތަކަށް ލުއި ގޮތެއް ހަމަޖައްސައިދިނުމުގެ ގޮތުން ބިލަށް ފައިސާ ދެއްކުމުގެ މުއްދަތު އިތުރުކޮށްދޭން އެދުމުގެ ފުރުސަތު ސްޓެލްކޯ އިން ހުޅުވާލައިފި އެވެ.
ސްޓެލްކޯގެ މެނޭޖިން ޑިރެކްޓަރު ހުސެއިން ފަހުމީ އެކްސްގައި ކުރެއްވި ޕޯސްޓެއްގައި ވިދާޅުވީ، ސްޓެލްކޯ އިން މަސައްކަތް ކުރާނީ އަބަދުވެސް އިހުލާސްތެރިކަމާއެކު ކަމަށެވެ.
އެގޮތުން އެ ކުންފުންޏަކީ އަބަދުވެސް ކަސްޓަމަރުންނަށް އެންމެ ލުއި ފަސޭހަ ގޮތް ހޯދައިދޭން މަސައްކަތްކުރާ ކުންފުންޏެއް ކަމަށް ވިދާޅުވި އެވެ.
ފަހުމީ ވިދާޅުވީ، މިހާރު ސްޓެލްކޯގެ ވެބްސައިޓް މެދުވެރިކޮށް ބިލަށް ފައިސާ ދެއްކުމުގެ މުއްދަތު އިތުރުކޮށްދޭން އެދުމުގެ ފުރުސަތު ހުރިހާ ފަރާތްތަކަށް ހުޅުވާލާފައިވާނެ ކަމަށެވެ.
”މިކަމުގައި އަޅުގަނޑަށް ނުވަތަ ސްޓެލްކޯގެ އެއްވެސް ވެރިއަކަށް ގުޅާކަށް ނުޖެހޭނެ،“ ފަހުމީ އެކްސްގައި ވިދާޅުވި އެވެ.
އެހެން މަސްތަކާ ހިލާފަށް ރޯދަމަހަކީ ކަރަންޓު ބޭނުންކުރާ މިންވަރު އިތުރުވާ މަހަކަށްވާތީ ރައީސް ޑރ. މުހައްމަދު މުއިއްޒު ވަނީ މިދިޔަ އަހަރެކޭ އެއްގޮތަށް، މި އަހަރުގެ ރޯދަމަހު ވެސް ކަރަންޓު ބިލުން 10 ޕަސަންޓުގެ ޑިސްކައުންޓު ދިނުމަށް ނިންމައިފަ އެވެ.
އެ ޑިސްކައުންޓް ދޭން ސްޓެލްކޯ އިން ނިންމާފައިވަނީ ރޯދަމަހަށް ވަކި ކަރަންޓު ބިލެއް ހަދައިގެންނެވެ. ރޯދައަށް ވަކި ބިލެއް ތައްޔާރުކުރުމަށް ކުރާ މަސައްކަތުގެ ސަބަބުން ފެބްރުވަރީ މަހުގެ ބިލު ވަނީ ކުރިން ފޮނުވައިފަ އެވެ. އެހެންވެ ކަސްޓަމަރުންނަށް ޖަނަވަރީ މަހުގެ ބިލާއި ފެބްރުވަރީ މަހުގެ ބިލު ލިބޭނީ ގާތްގާތުގައެވެ.
8 Comments
ގުޅުންހުރި
އުމުރުގެ ބޮޑުބައި ގައުމީ ހިދުމަތުގައި, ވަކިވެދިޔައީ ތިންވަނަ ދަރިފުޅު އުރާލުމުގެ ނަސީބު
ނުކުޅެދުންތެރިކަން ހުންނަ އިތުރު 30 މީހަކަށް ސްޓެލްކޯއިން ވަޒީފާ، ޖުމުލަ އަދަދު
ފިހުނު ސްޓެލްކޯގެ މުވައްޒަފު ނިޔާވެއްޖެ
އިންވެސްޓްމަންޓްގެ ފުރުސަތުތަކާ ގުޅޭ ގޮތުން މަޝްވަރާކުރަން ސައުދީގެ ވަފުދެއް ރާއްޖެއަށް
އަލިފާނުގެ ހާދިސާގައި ފިހުނު ސްޓެލްކޯގެ މުވައްޒަފު އިތުރު ފަރުވާއަށް ބެންކޮކަށް
”ސިލޯނާއެކު ދިވެހިން“ ފަންޑަށް ސްޓެލްކޯއިން 250،000 ރުފިޔާ