ސުޕްރީމް ކޯޓުގެ ފަނޑިޔާރު ޑރ. އަޒްމިރަލްދާ ޒާހިރުގެ ފިރިކަލުން، އައިޖީއެމްއެޗްގެ ޑޮކްޓަރު އިސްމާއީލް ލަތީފް ބަންދު ނުކުރަން އަންގައި ކުރިމިނަލް ކޯޓުގެ ގާޒީންނަށް ނުފޫޒު ފޯރުވިކަމަށް ބުނާ މައްސަލައިގެ ތުހުމަތަށް ސުޕްރީމް ކޯޓުގެ ފަނޑިޔާރު މަހާޒު އަލީ ޒާހިރު އިންކާރު ކުރައްވައިފި އެވެ.
ޖުޑީޝަލް ސާވިސް ކޮމިޝަން (ޖޭއެސްސީ)ން މިއަދު ވަނީ އެ މައްސަލައިގެ ތަހުގީގަށް މަހާޒު އެ ކޮމިޝަނަށް ހާޒިރުކޮށްފަ އެވެ. މަހާޒާ އެކު، އޭނާގެ ވަކީލެއްގެ ހައިސިއްޔަތުން ވަކީލު މުހައްމަދު ފައިސަލް ވެސް ވަޑައިގަތެވެ.
ފައިސަލް ބައެއް މީޑިއާތަކަށް ދެއްވި އިންޓަވިއެއްގައި ވިދާޅުވީ، ޖޭއެސްސީން ކުރާ ތުހުމަތުތަކަށް މަހާޒް އިންކާރު ކުރައްވާފައިވާ ކަމަށެވެ. ފައިސަލް ވިދާޅުވީ ލަތީފުގެ ބަންދާ މެދު ކުރިމިނަލް ކޯޓުން ގޮތެއް ނިންމީ 5 ޑިސެމްބަރު 2024 ގެ ހެނދުނު ގާތްގަނޑަކަށް 10:30 ގައި؛ އަމުރު ނެރުނީ 10:55 ގައި ކަމަށެވެ. މަހާޒަށް އަޒްމިރަލްދާގެ ފިރިކަލުން ހައްޔަރުކޮށް ބަންދަށް ހާޒިރުކުރިކަން އަދި ބަންދުން ދޫކުރިކަން ވެސް މަހާޒަށް އެނގިވަޑައިގަތީ ހެނދުނު 11:30 ގެ ފަހުން ކަމަށް ފައިސަލް ވިދާޅުވި އެވެ.
މަހާޒް އޭގެ ފަހުން ވެސް ކްރިމިނަލް ކޯޓުގެ ގާޒީއަކަށް، ނުވަތަ އެ ކޯޓުގެ މުވައްޒަފަކަށް ވެސް ގުޅުއްވާފައި ނުވާ ކަމަށް ފައިސަލް ވިދާޅުވި އެވެ.
ފައިސަލް ވިދާޅުވީ ލަތީފު ބަންދުން ދޫކުރި މައްސަލަ ސުޕްރީމް ކޯޓާ ހިސާބަށް އައިސްދާނެތީ އެ ދުވަސްވަރު މަހާޒު ބޭނުންފުޅުވީ ފަނޑިޔާރު އަޒްމިރަލްދާއާ ވެސް ވީހާ ދުރުން މަސައްކަތް ކުރެއްވުމަށްކަމަށް ކަމަށެވެ.
”އާހިރުގައި އެ މައްސަލަ އަތުވެދާނެ ސުޕްރީމް ކޯޓަށް ވެސް. އެ މައްސަލައިގެ މަސްލަހަތު އޮތް ފަރާތަކާ އެއްވެސް ކަހަލަ ގުޅުމެއް ނުބޭއްވުމަކީ ވެސް ކުރަން ޖެހޭނެ ކަމެއް. ފަނޑިޔާރު މަހާޒު ވެސް ބޭނުންފުޅުވީ އެ ކޯޓުގެ އެހެން ފަނޑިޔާރެއްގެ އާއިލާ ބޭފުޅެއްގެ މިފަދަ ކަމެއް އުޅޭތީ ވީހާ ވެސް އެ ފަނޑިޔާރަކާ ވެސް ދުރުގައި އިހަށް މަޑުކޮށްލެއްވުމަށް،“ ވަކީލު ވިދާޅުވި އެވެ.
މި މައްސަލާގައި މާދަމާ އަޒްމިރަލްދާ ވެސް ޖޭއެސްސީއަށް ހާޒިރު ކުރުމަށް ނިންމާފަައިވެ އެވެ. ނުފޫޒު ފޯރުވުމުގެ ތެރޭގައި ކޮރަޕްޝަން ހިމެނޭ ކަމަށް ބުނާ މައްސަލައެއް އެންޓި ކޮރަޕްޝަން ކޮމިޝަން (އޭސީސީ) އިން ވެސް ދަނީ ބަލަމުންނެވެ.




ގުޅުންހުރި
ލަންކާގެ މުސްކުޅިންގެ ސެންޓަރަކުން 11 މަރު, އެންމެން މަރުވީ ފެންބޮޑުވެ ނުނިކުމެވި
ޕީއެސްއެމްގެ އެމްޑީ ނަސްރީން އިސްތިއުފާ ދެއްވައިފި، މި ވެރިކަމުގައި އިސްތިއުފާ ދިން
ލަންކާގައި ކުއްލި ނުރައްކަލުގެ ހާލަތު އިއުލާންކޮށްފި
ހައްޖު ކޯޕަރޭޝަނުން އަނެއްކާވެސް ބިމެއް ގަނެފި, ދޮޅު އަހަރުތެރޭ ގަތް 3
ޔާމީނަކީ ވައްކަންކުރަން ދެވިހިފާފައި ހުރި އިންސާނެއް ކަމަށް ބުނެ ފަލާހުގެ ބޮޑު
ލަންކާއަށް އެހީވާން 50،000 ޑޮލަރާއި 25،000 މަސްދަޅު ކޭސް ދެނީ