އޭޕްރިލް 3, 2025

މަޖިލީހުގެ ޖަލްސާތައް ރޯދައިގެ ފަހު 10އަށް މެދުކަނޑާލައިފި

ރައްޔިތުންގެ މަޖިލީހުގެ ޖަލްސާތައް ރޯދަމަހުގެ ފަހު ދިހައަކަށް މެދުކަނޑާލައިފި އެވެ.

މަޖިލީހުގެ މިއަދު ޖަލްސާ ނިންމާލަމުން މަޖިލީހުގެ ރައީސް އަބްދުއްރަހީމް އަބްދުﷲ ވިދާޅުވީ މަޖިލީހުގެ ޖަލްސާއެއް ދެން އޮންނަނީ އަންނަ މަހު 7 ވަނަ ދުވަހު އެވެ.

އަންނަ މަހު 7 ވަނަ ދުވަހަކީ ރޯދަ މަސް ނިމި ހަ ރޯދައަށް ފަހު އެވެ.

މަޖިލީހުގެ މިއަހަރުގެ ފުރަތަމަ ދައުރުގެ ޖަލްސާތައް ފެށީ މިދިޔަ ފެބްރުއަރީ މަހު ކުރީކޮޅެވެ. މަޖިލީހުގެ ގަވައިދުގައިވާ ގޮތުން، މި ދައުރު ނިމޭނީ އަންނަ 15 މެއިގަ އެވެ.

ފަހު 10އަށް މަޖިލީހުގެ ޖަލްސާތައް މެދުކަނޑާލިއިރު، މުޅި ރޯދަ މަހަށް އެއްކޮށް ޖަލްސާތައް ނުބާއްވާ ގޮތަށް ޕީއެންސީގެ ޕީޖީން މީގެ ކުރިން މަސައްކަތް ކުރި އެވެ. އެގޮތަށް ކޮމިޓީން ފާސްކުރި ނަމަވެސް އާއްމުންގެ ފާޑު ކިޔުން އަމާޒުވުން ފަހުން ޕީއެންސީ ޕީޖީން ވަނީ ރޯދަމަހު ވެސް މަޖިލިސް ބޭއްވުމަށް ނިންމައިފަ އެވެ.