ގއ. ވިލިނގިލީގައި އިންޓަނޭޝަނަލް އެއާޕޯޓެއް ހަދަން ބޭރުގެ ކުންފުންޏަކާ ހަވާލުކޮށް ސޮއިކޮށްފައި އޮއްވައި، އެ ރަށުގައި އެއާޕޯޓެއް ހަދަން އަނެއްކާވެސް ރައީސް ޑރ. މުހައްމަދު މުއިއްޒު ކަނޑައަޅުއްވައިފި އެވެ.
ވިލިނގިލި ކައިރީގައި އޮންނަ ފަޅުގައި އިންޓަނޭޝަނަލް އެއާޕޯޓެއް ހެދުމަކީ ރިޔާސީ އިންތިހާބުގެ ކެމްޕޭނަށް ވިލިނގިލިއަށް ވަޑައިގެން ރައީސް މުއިއްޒު ވެވަޑައިގެންފައިވާ ވައުދުފުޅެކެވެ.
އެގޮތުން މަޖިލިސް އިންތިހާބާ ދިމާކޮށް މިދިޔަ އަހަރުގެ ފެބްރުއަރީ މަހުގެ ތެރޭގައި ރައީސް މުއިއްޒު ވިލިނގިއްޔަށް ކުރެއްވި ދަތުރުފުޅުގެ ތެރެއިން ވިލިނގިލީގައި އިންޓަނޭޝަނަލް އެއާޕޯޓެއް ހެދުމަށް އެންވީ ބެސިކްސް އެސްއޭ ނަމަކަށް ކިޔާ ބެލްޖިއަމްގެ ކުންފުންޏާ ސޮއިކުރި އެވެ.
އެ މަޝްރޫއުގެ އެއްވެސް ތަފުސީލެއް މިހާތަނަށްވެސް ސަރުކާރުން ހާމަކޮށްފައި ނުވާއިރު އެ ރަށުގައި އެއާޕޯޓެއް ހަދަން ރައީސް މިއަދު ވަނީ ކަނޑައަޅުއްވައިފަ އެވެ.
އެ މަނިކުފާނު އެކަން އިއުލާން ކުރެއްވީ ކްރޮސް ސަބްސިޑީ ނުވަތަ މަޝްރޫއެއް ހިންގުމަށް ފައިސާ ދޭ މަތިން ރަށެއް/ ފަޅެއް ދޭ އުސޫލުން ދައުލަތުގެ އާންމު މަންފާއަށްޓަކައި ހާސިލުކުރަން ބޭނުންވާ އިގްތިސާދީ ސިޔާސަތުގެ ދަށުން ހިންގާނެ މަޝްރޫއުތަކާއި އެ މަޝްރޫއު ހަވާލުކުރެވޭ ފަރާތުން އެންމެ މަދުވެގެން ކުރަންޖެހޭ އިންވެސްޓްމަންޓުގެ އަދަދާއެކު މިއަދު ނެރުއްވި ގަރާރުގައެވެ.
ރައީސްގެ ގަރާރުގައި ވިދާޅުވެފައިވާ ގޮތުން ވިލިނގިލީގައި ހަދާނީ އިންޓަނޭޝަނަލް އެއާޕޯޓެއް ނޫނެވެ. އަދި އެ މަޝްރޫއަށް އެންމެ މަދުވެގެން ކުރަންޖެހޭ އިންވެސްޓްމަންޓުގެ އަދަދަކީ 5 މިލިއަން އެމެރިކާ ޑޮލަރެވެ.
15 Comments
ގުޅުންހުރި
އަޅުގަނޑުގެ މޭޔަރުކަމަށްފަހު މާލެ ސިޓީ ކައުންސިލަށް މަސައްކަތެއް ކުރެވިފައެއް ނެތް: ރައީސް
އަންނަ ދިރާސީ އަހަރު ފެށެންވާއިރަށް، ގެދޮރުވެރިޔާ ފުލެޓުތަކަށް ވަދެވޭނެ: ރައީސް
އޭޕްރީލަށް ރަސްމާލެ ހިއްކައި ނިންމައިލެވޭނެ: ރައީސް
ރަސްމާލެއިން ފުރަތަމަ ދޫކުރާ 15،000 ގޯތީގެ ތެރެއިން މާލޭގެ ރަށްވެހިންނަށް 10،000
ރައީސް، ވިލިމާލޭ ރައްޔިތުންނާ މާދަމާ ބައްދަލުކުރައްވަނީ
ގެދޮރުވެރިކަމުގެ ރަން ޒަމާނޭ ވިދާޅުވެ 2 ބިލިއަން ހުސްކޮށްލި އިރު، ގާބުރިއެއް