އީދު ދުވަހުގެ އަޒުމަކަށްހަދަންވީ ކުރިއަށް އޮތް ދުވަސްތަކުގައި އަމިއްލަ ނަފްސު އިސްލާހުކުރުމަށް މަސައްކަތް ކުރުން ކަމަށް ރައީސް ޑރ. މުހައްމަދު މުއިއްޒު ވިދާޅުވެއްޖެ އެވެ.
ފިތުރު އީދުގެ މުނާސަބަތުގައި ގުޅިގެން ރައީސް މިރޭ ފޮނުއްވެވި ހިތޯބުގައި ވިދާޅުވީފިތުރު އީދަކީ ދަރުމައާއި ދީލަތިކަމުގެ މޫސުމެއް ކަމުގައިވާ ރޯދަމަސް، ނިމުމުން އަންނަ ދުވަހެއް ކަމަށާއި އިލްމުވެރީން ވިދާޅުވާ ގޮތުގައި އީދުގެ އެންމެ މަތިވެރި މަގުސަދަކީ ރޯދައިގެ އަޅުކަން ފުރިހަމަކުރުމަށް ދެއްވި ފުރުސަތަށްޓަކައި މާތް ﷲއަށް ހަމްދުކުރުމާއި ޝުކުރުކުރުވެރިވުން ކަމަށެވެ.
”ކޮންމެ މީހަކުވެސް ހާއްސަކޮށް، ރަމަލާންމަހު އަމިއްލަ ނަފުސުގެ އިސްލާހަށް އެދި ﷲގެ ހަޒްރަތުގައި ދެންނެވި ފަދައިން ކުރިޔަށް އޮތް ދުވަސްތަކުގައި އަމިއްލަ ނަފްސު އިސްލާހުޙުކުރުމަށް މަސައްކަތްކުރެއްވުމަށް ބާރުއަޅުއްވާފައިވެއެވެ. އަދި އީދުގެ އުފާތައް ލިބިގަތުމުގައި ވެސް އަދި އޭގެ ފަހުން ވެސް، ކޮންމެ ކަމެއްގައި އިސްލާމްދީނުގެ މަތިވެރި އިމުގެ ތެރޭގައި ހުރިހައި އަމަލުތަކެއް ބެހެއްޓުމަށް އެމަނިކުފާނު ނަސޭހަތްތެރިވަން“ ރައީސް ވިދާޅުވި އެވެ.
ރައީސް ވިދާޅުވީ މުސްލިމުންގެ މުޅި ދިރިއުޅުން ބިނާވެފައި އޮންނަންވާނީ ހެޔޮކަމުގެ މައްޗަށް ކަމަށާއި ކުރާ ކޮންމެ ކަމެއް ހެޔޮގޮތުގައި ކުރުމާއި، ބުނާ ކޮންމެ ބަހެއް ހެޔޮގޮތުގައި ބުނަންވާނެ ކަމަށެވެ.
އީދުގެ އުފާ ފާޅުކުރަމުން ދާއިރު ގާޒާގެ މުސްލިމު ރައްޔިތުންގެ މަތިން ހަނދާންކުރުމަށް ކުޑަވެސް ފަނޑުކަމެއް އަޔަދީގެން ނުވާނެ ކަމަށް ރައީސް ވިދާޅުވި އެވެ.
15 Comments
ގުޅުންހުރި
ލިވަޕޫލްއާ ގުޅިގެން ރާއްޖޭގެ ޓޫރިޒަމް ޕްރޮމޯޓް ކުރުމުގެ ކެމްޕެއިން ލޯންޗުކޮށްފި
މުޝްފިގު ހޯދުމުގެ މަސައްކަތް ކަނޑުމަތިންނާއި ޑައިވް ކޮށްގެން ފަށައިފި، ޑްރޯން ވެސް
ހޮޅުދޫ ބޯޓުގައި ރޯވުން: މާވަށު ޒުވާނަކު ގެއްލިގެން ހޯދަނީ
މާލެ ދަތުރު ކުރަމުންދިޔަ ހޮޅުދޫ ބޯޓުގައި ރޯވެ އަނދައިފި
އެއާޕޯޓް ޓާމިނަލް ހަދާ ބިދޭސީންގެ މެދުގައި ބޮޑު މާރާމާރީއެއް، ގިނަ ބަޔަކަށް
ރައީސްގެ ޔޫކޭ ދަތުރުފުޅު: ލިވަޕޫލްގެ ފުޓްބޯޅަ އެކެޑަމީއެއް ރާއްޖޭގައި ހަދަން މަޝްވަރާ