ސައުދީ ލީގަށް ކުޅެމުން އަންނަ ޕޯޗުގަލް ތަރި ކްރިސްޓިއާނޯ ރޮނާލްޑޯއަކީ ވަރަށް ގަޔާވާ ކުޅުންތެރިއެއް ކަމަށާއި ނަމަވެސް އެންމެ މޮޅު ކުޅުންތެރިއަކީ ލިއަނަލް މެސީ ކަމަށް ރައީސް ޑރ. މުހައްމަދު މުއިއްޒު ވިދާޅުވެއްޖެ އެވެ.
ސޯޝަލް މީޑިއާ ޗެނަލަކަށް ދެއްވި އިންޓަވިއު އެއްގައި ގްރޭޓަސްޓް އޮފް އޯލް ޓައިމްސް (ގޯޓް) އަކީ ކޮބައިތޯ ޕްރެޒެންޓަރު ސުވާލު ކުރުމުން ރައީސް ވިދާޅުވީ، އެއީ މެސީ ކަމަށެވެ. ނަމަވެސް ރައީސްއަކީ މެންޗެސްޓާ ޔުނައިޓެޑްގެ ސަޕޯޓަރެކެވެ.
”ރޮނަލްޑޯއަކީ، ޔެސް އައި ވެރީ ލައިކް ހިމް އަ ލޮޓް. ވަރަށް ވަރަށް މޮޅު ޕްލޭޔާއެއް. ބަޓް މެސީ އިސް އަ ބިޓް ބެޓާ ހިމް ފޮޓްބޯލީ ވައިސް… ރޮނަލްޑޯގެ ވިސްނުންވެސް އައިޑިއޮލޮޖީވެސް މާރަނގަޅު. އޭނަ ގަބޫލުކުރާ ގަބޫލުކުރުންތައްވެސް މާ ރަނގަޅު. އެކަމަކު ޓެކްނިކަލީ ފުޓްބޯލީ ވައިސް މެސީ އިސް ދަ ބެސްޓް،“ ރައީސް ވިދާޅުވި އެވެ.
ދުނިޔޭގެ އެންމެ މޮޅު ކުޅުންތެރިއަކާމެދު ގިނަ ބަޔަކު ބަހުސް ކުރެ އެވެ. ހާއްސަކޮށް ރޮނާލްޑޯ އާއި މެސީގެ ފޭނުންގެ ތެރޭގައެވެ.
މެސީ ވަނީ އޭނާގެ ކެރިއަރުގައި މިހާތަނަށް 46 ތަށި ހޯދައިފަ އެވެ. ރޮނާލްޑޯއަށް ހޯދުނީ 35 ތައްޓެވެ. އަދި ދުނިޔޭގެ އެންމެ މޮޅު ކުޅުންތެރިޔާގެ މަގާމު (ބެލެންޑިއޯ އެވޯޑް) މެސީ އަށް ފަހަރު ހޯދާފައިވާއިރު ރޮނާލްޑޯ ވަނީ އެ މަގާމު ފަސް ފަހަރު ހޯދައިފަ އެވެ.
15 Comments
ގުޅުންހުރި
ހައިކޯޓުގެ ފަނޑިޔާރުގެ މަގާމަށް ކުރީގެ ގާޒީ ޖަމީލާއި ޝަހީދު އައްޔަންކުރަނީ
އަސްކޮއިގެ ހިއްސާދާރުން ހިމެނޭ ކުންފުނިތަކަށް އުމްރާ ހުއްދަ ނުދޭން ނިންމައިފި
އަބްދުއްރަހުމާން މަރުވީ ބޮލަށް ލިބުނު އަނިޔާއެއްގެ ސަބަބުން: އޮޓޮޕްސީ ރިޕޯޓު
ދެވަނަ ކުއާޓަރުގައި އެސްޓީއޯއަށް ސާފު ފައިދާގެ ގޮތުގައި 163 މިލިއަން
ޑްރަގް އެތެރެކޮށް ވިޔަފާރި ކުރާ މީހުންނަށް މަރުގެ އަދަބު ދިނުމަށް ދިރާސާ
ތިން ބޯޓަކުން 4،720 ބަސްތާ ފިޔާ ބާލައިފި: އެމްޕީއެލް