ހުޅުމާލެ ފޭސް 2ގެ ވިނަރެސް ފްލެޓެއްގެ ކޮޓަރިއެއްގެ ތެރެއިން ހަބަރު ހުސްވެފައި އޮތް އަންހެނަކު ފެނިއްޖެ އެވެ.
ފުލުހުން މިއަދު ބުނީ، 21 އަހަރުގެ އެ އަންހެން މީހާ އުޅޭ ކޮޓަރި ތެރެއިން ރޯ އަޑު އިވޭ ކަމަށް ބުނެ މިއަދު ހެނދުނު 6:05 އެހާކަންހާއިރު ފުލުހުންނަށް ރިޕޯޓް ކުރީ އަންހެން މީހާގެ އާއިލާ އިން ކަމަށެވެ. އާއިލާ އިން ރިޕޯޓް ކުރީ އެ އަންހެން މީހާ އުޅޭ ކޮޓަރި ނުހުޅުވިގެން ކަމަށްވެސް ބުންޏެވެ.
ފުލުހުން ބުނީ، އެ ރިޕޯޓާ ގުޅިގެން ފުލުހުން އެޓެންޑުވެ، ގަދަކަމުން ދޮރު ހުޅުވައި ބެލި އިރު އަންހެން މީހާ އޮތީ ހަބަރު ހުސްވެފައި ކަމަށެވެ. އޭނާއަށް ހުޅުމާލެ ހޮސްޕިޓަލުގައި ފަރުވާ ދެމުންދާ ކަމަށްވެސް ބުންޏެވެ.
ފުލުހުން އިތުރަށް ބުނީ، އަންހެން މީހާ އޮތް ކޮޓަރި ތެރޭގައި އިތުރު މީހަކު ނެތް ކަމަށާއި ނަމަވެސް އެޕާޓްމަންޓް ތެރޭގައި އާއިލާ މީހުން ތިބި ކަމަށެވެ.
7 Comments
ގުޅުންހުރި
ރައްޔިތުން ބޭނުން ނަމަ ވޭޕު ހުއްދަކޮށް، ސިނގިރޭޓުގެ ޑިއުޓީ ކުޑަކުރާނަން: ފައްޔާޒު
1037 ބައިވެރިންނާއެކު ގައުމީ ގުރުއާން ކިޔެވުމުގެ މުބާރަތް މިރޭ ފަށަނީ
40 ބިދޭސީއަކު ފާސްކޮށް ގަވާއިދާ ހިލާފަށް އުޅުނު 10 ބިދޭސީއަކު އަތުލައިގަނެފި
މުޒާހަރާއަށް ނިކުތް ނޫސްވެރިންނަށް ނުހައްގުން އަނިޔާކޮށްފައި ނުވާކަމަށް ފުލުހުން ބުނެފި
އަކްރަމާއި އާރިފުގެ މައްޗަށް ހިޔާނާތުގެ ދައުވާކުރަން ކޯޓަށް ހުށަހަޅައިފި
ނޫސްވެރިންގެ ކަންބޮޑުވުންތަކަށް އިޖާބަ ދިނުމެއް ނެތި މީޑިއާ ބިލް ތަސްދީގުކޮށްފި