ކުރިއަށް އޮތް ރިޔާސީ އިންތިހާބުގައި ވާދަކުރެއްވުމުގެ ވިސްނުން ގެންގުޅުއްވާ ކަމަށް ކުރީގެ ރައީސް މުހައްމަދު ނަޝީދު ވިދާޅުވެއްޖެ އެވެ.
ނަޝީދު އެގޮތަށް ވިދާޅުވީ އެމްޑީޕީ އަދި ދަ ޑިމޮކްރެޓްސްގެ އިސް ބައެއް ބޭފުޅުންނަށް ފޮނުއްވި މެސެޖެއްގަ އެވެ.
”އަޅުގަނޑު ކުރިމަތިލުމުގެ ވިސްނުން އެބަ ގެންގުޅެން. ކިހިނެއްތޯ ފެންނަނީ. ކޮންމެ ގޮތަކަށް ޖަވާބު ދެއްވި ނަމަވެސް އަޅުގަނޑުމެންގެ ގުޅުމަށް ބުރޫ ނާރާނެ،“ ނަޝީދު ވިދާޅުވި އެވެ.
ރިޔާސީ އިންތިހާބުގައި ވާދަކުރައްވަން ބޭނުންވަނީ ކޮން ޕާޓީއެއްގެ ފަރާތުން ކަމެއް ނަޝީދު ވިދާޅެއް ނުވެ އެވެ.
ރާއްޖޭގައި މިހާރު އަމަލުކުރަމުންދާ ގާނޫނުއަސާސީގެ ފަރާތުން އެންމެ ފުރަތަމަ ރައީސުލްޖުމްހޫރިއްޔާގެ މަގާމަށް އިންތިހާބުވެވަޑައިގެންނެވި ބޭފުޅާކީ ނަޝީދެވެ. އެ މަނިކުފާނު ވެރިކަން ކުރެއްވީ 2008 ވަނަ އަހަރުން ފެށިގެން 2012 ވަނަ އަހަރުގެ ނިޔަލަށެވެ. ފަސް އަހަރުގެ ދައުރު ހަމަވުމުގެ ކުރިން އެ މަނިކުފާނު އިސްތިއުފާ ދެއްވީ އެ މަނިކުފާނުގެ ސަރުކާރާ ދެކޮޅަށް އޭރު ސިފައިންނާއި ފުލުހުން އަދި އާންމުންކުރި މުޒާހަރާތަކާ ގުޅިގެންނެވެ.
އެ ފަހުން އެމްޑީޕީގެ ފަރާތުން ރިޔާސީ އިންތިހާބެއް ކާމިޔާބުކޮށް ވެރިކަމަށް ވަޑައިގެންނެވީ 2018 ވަނަ އަހަރު ކުރީގެ ރައީސް އިބްރާހީމް މުހައްމަދު ސޯލިހެވެ. ނަޝީދާއި ސޯލިހާއި ކުޑައިރުއްސުރެ ދެ އެކުވެރިކަމުގައިވީ ނަމަވެސް ސޯލިހުގެ ވެރިކަމުގެ ފަހު ދުވަސްކޮޅު އެ ދެ ބޭފުޅުންގެ މެދުގައި ސިޔާސީ މައްސަލަ ޖެހި ވަނީ އެމްޑީޕީގެ ތެރެއިން ދެ ފެކްޝަނެއް އުފެދިފަ އެވެ.
ކޯޅުންގަނޑު ބޮޑުވެ، ނަޝީދަށް ތާއީދުކުރާ ފެކްޝަންގެ މީހުން ވަނީ ދަ ޑިމޮކްރެޓްސްގެ ނަމުގައި އާ ސިޔާސީ ޕާޓީއެއް އުފައްދައިފަ އެވެ. އެ ޕާޓީ އުފެއްދިތާ ދުވަސްކޮޅެއް ފަހުން އެމްޑީޕީގެ ރައީސްގެ މަގާމުން އިސްތިއުފާ ދެއްވުމަށްފަހު ނަޝީދު ވަނީ ޑިމޮކްރެޓްސްއާ ގުޅިވަޑައިގެންފަ އެވެ.
23 Comments
ގުޅުންހުރި
ޗާގޯސް މައްސަލައިގައި ރާއްޖެއިން އަމަލުކުރަނީ ޔޫކޭ އާއި އެމެރިކާއިން އެދޭ ގޮތަށް:
މުސާރަދޭން ޕެންޝަން ފަންޑު ބޭނުންކޮށްގެން ނުވާނެ، މިދަނީ އަނދަވަޅަކަށް ވެއްޓެން
ދަރަންޏަކީ ގައުމީ މައްސަލައެއް، ސަރުކާރަށް އެކަނި ހައްލެއް ނުވާނެ: ނަޝީދު
ނަޝީދު، ސަރުކާރަށް: ހިޔާލުފާޅުކުރުމުގެ ހައްގު އޮބަހައްޓަން ކުރާ މަސައްކަތްތައް ހުއްޓާލާ!
އެމްޑީޕީއަށް ކައުންސިލު އިންތިހާބު ކާމިޔާބުކޮށްދިނުމަށް ހުރިހާ އެއްބާރުލުމެއް ދޭނަން: ނަޝީދު
ކުރީގެ ރައީސުންގެ އޮފީސް ހަރަދު ކަނޑާލައިފި، ރާއްޖެއިން ބޭރުގައި ދިރިއުޅޭނަމަ ހިމާޔަތެއް