މިއަދު މި ދެކެނީ މާ އުފާވެރި ވެރިކަމެއް ކަމަށް ހެލްތު މިނިސްޓަރު އަބްދުﷲ ނާޒިމް އިބްރާހިމް ވިދާޅުވެއްޖެ އެވެ.
ޕީޕަލްސް ނެޝަނަލް ކޮންގްރެސް (ޕީއެންސީ) އިން ރޭ ބޭއްވި ހަރުގެ ޖަލްސާގައި ވާހަކަދައްކަވަމުން ނާޒިމް ވިދާޅުވީ ގައުމު ބިނާކުރުމުގެ މަސައްކަތުގައި އުޅޭއިރު، ސިޔާސީ ހަރަކާތްތަކަށް މިނިވަންކަން ނުދީ ކުރިއަށް ދެވެން ނެތް ކަމަށެވެ. ނަމަވެސް ރާއްޖެއަށް މަލްޓި ޕާޓީ ޑިމޮކްރަސީ ތައާރަފުވުމަށްފަހު އައި ކޮންމެ ވެރިކަމެއްގައި ވެސް ސިޔާސީ ލީޑަރުން ހައްޔަރުކޮށްފައިވާ ކަމަށް އޭނާ ވިދާޅުވި އެވެ.
ނާޒިމް ވިދާޅުވީ، ރައީސް ޑރ. މުހައްމަދު މުއިއްޒު ވެރިކަމަށް ވަޑައިގެންނެވީ ސިޔާސީ މިނިވަންކަމަށް ފުރުސަތު ދެއްވާނެކަމުގެ ޔަގީންކަން ދެއްވަމުން ކަމަށާއި ގާނޫނީ އިމުން ބޭރުން އެއްވެސް ގޮތަކަށް ސިޔާސީ އެއްވެސް ފަރާތަކަށް އެއްވެސް ނުފޫޒެއް، ބާރެއް ނާންނާނެކަމުގެ ކަށަވަރުކަން ދެއްވަމުން ކަމަށެވެ. އަދި އެ ވައުދު ރައީސް ފުއްދަވާފައިވާ ކަމަށް ވިދާޅުވި އެވެ.
”މިއަދު އިރާދަކުރެއްވިއްޔާ އަޅުގަނޑުމެން މި ތަހައްމަލުކުރަމުން ގެންދަނީ، މި ހިއްސާކުރަމުން ގެންދަނީ މާ އުފާވެރި ވެރިކަމެއް. ހުރިހާ ސިޔާސީ ފަރާތްތަކަށް މިނިވަންކަމާއެކު ސިޔާސީ މަސައްކަތްކުރުމުގެ ފުރުސަތު ހުޅުވާލެވިފައިވާ ވެރިކަމެއް. ރައީސް ޑރ. މުހައްމަދު މުއިއްޒަށް ވެރިކަމުގެ ބާރުތައް ލިބިލެއްވި ހިނދު، ޕީއެންސީ ވެރިކަމާ ހަވާލުވި ހިނދު، ދިވެހި ރައްޔިތުންނަށް ހުވާލީ އަމާން ވެއްޓެއް. ސިޔާސީގޮތުން އެއްވެސް މީހަކު ހައްޔަރުނުކުރެވި، ސިޔާސީ މަސައްކަތަށް ދޫކުރެއްވީ ގައުުމުގެ ތަރައްގީއާއި ކުރިއެރުމަށްޓަކައި،“ މިނިސްޓަރު ވިދާޅުވިއެވެ.
10 Comments
ގުޅުންހުރި
އެމްޑީޕީއަށް 5 ފަނި ވާނީ ފޮނުވާފައި، ލޯކަލް އިންތިހާބު އެމްޑީޕީއަށް ގެއްލުވާލާނަން:
ޔުމްނު ވެއްޓުން: ރިޔާސީ ކޮމިޝަންގެ ތަހުގީގު ރިޕޯޓް އާންމުކުރަން ރައީސް އަންގަވައިފި
ސަލީމްގެ ނުސީދާ ފާޑުކިޔުން ޑރ. ވަހީދަށް: ކާޅަކީ އިހުލާސްތެރި އެއްޗެއް ނޫން!
އިޒްރޭލުން އިރާނަށް ދިން ހަމަލާތައް ރައީސް މުއިއްޒު ކުށްވެރި ކުރައްވައިފި
ސީޕީގެ މަގާމަށް ނަވީން އައްޔަންކޮށްފި
ރައީސްގެ ދުއާއަކީ ދިވެހިންގެ ހިތްތަކުގައި އެއްބައެއްވަންތަކަން އާލާކުރެވި، އެކުވެރިކަން ބަދަހިވުން