ޑޮލަރު ރޭޓު މިއިން ދުވަހަކުވެސް މަތިނުވާ ވަރަށް މަތިވެއްޖެ

ޑޮލަރު ރޭޓު މިއިން ދުވަހަކުވެސް މަތިނުވާ ވަރަށް މަތިވެއްޖެ އެވެ.

ޑޮލަރުގެ ކަޅު ބާޒާރުގައި މިހާރު ޑޮލަރެއްގެ އަގު 20. 20 ރުފިޔާއަށް މަތިވެފައިވާ ކަމަށް ބައެއް މީހުން ދަނީ ބުނަމުންނެވެ.

މާލޭގައި ހިންގާ ބައެއް ބޭރުފައިސާ މާރުކުރާ ތަންތަނުން ވެސް މިއަދު ޑޮލަރެއް ވިއްކަމުން ދަނީ 20.20 ރުފިޔާ އަށެވެ.

ކަޅު ބާޒާރުގައި ޑޮލަރު މިހާ ވަރަށް ބޮޑުވިއިރު މީ މިފަހުގެ ތާރީހެއްގައި ޑޮލަރުގެ އަގު މިހާ މައްޗަށް ދިޔަ ފުރަތަމަ ފަހަރެވެ.

މީގެ ކުރިން ޑޮލަރުގެ އަގު އެންމެ ބޮޑަށް އުފުލުނީ 2020 ވަނަ އަހަރު ކުރިމަތިވި ކޮވިޑުގެ ހާލަތުގަ އެވެ. ރާއްޖޭގެ ބޯޑަރު ބަންދުކޮށްފައި އޮތް އެ ދުވަސްވަރު ވެސް ޑޮލަރުގެ އަގު 20 ރުފިޔާއަށް ނާރަ އެވެ.