ޗައިނާގައި ދަރިން ހޯދަން ހިތްވަރު ދިނުމުގެ ގޮތުން އާއިލާތަކަށް ފައިސާ ދޭން ހުށަހަޅައިފިއެވެ. މިއީ ދަރިން ހޯދުން އިތުރުކުރަން ޗައިނާ ސަރުކާރުން މުޅި ގައުމަށް ހުޅުވާލި ފުރަތަމަ ސަބްސިޑީ ޕްރޮގްރާމެވެ.
ތަފާސް ހިސާބުތަކުން ދައްކާ ގޮތުން ޗައިނާގެ އާބާދީ ދަށްވާ މިންވަރު އަދިވެސް ދަނީ އަހަރުން އަހަރަށް ދަށްވަމުންނެވެ. އެކަމާއި ގުޅިގެން 1978 ވަނަ އަހަރު ޗައިނާގައި ތަންފީޒު ކުރަން ފެށި ’އެއް ދަރި‘ ސިޔާސަތު ވަނީ 2016 ވަނަ އަހަރު އުވާލައިފަ އެވެ. އެ ސިޔާސަތުގައި ޗައިނާ ސަރުކާރުން އޭރު ކަނޑައެޅީ ކޮންމެ ދެމަފިރިއަކުވެސް އެއް ދަރިއަށްވުރެ ގިނަ ކުދިން ނުހޯދުމަށެވެ.
ޗައިނާގެ ދައުލަތުގެ މީޑިއާ އިން ބުނެފައިވާ ގޮތުން ދަރިން ހޯދުން އިތުރުކުރަން ދޭން ފަށާ ސަބްސިޑީ ޕްރޮގްރާމް އާއެކު ދަރިންގެ ހަރަދުތައް ބެލެހެއްޓުމަށް 20 މިލިއަން އާއިލާއަށް އެހީތެރިކަން ލިބޭނެ އެވެ.
އެގޮތުން މި ސަބްސިޓީ ޕްރޮގްރާމްގެ ތެރެއިން ތިން އަހަރުން ދަށުގެ ކޮންމެ ކުއްޖަކަށް އަހަރަކު 3,600 ޔުއާން (503 އެމެރިކާ ޑޮލަރު) ދޭނެ އެވެ.
ދަރިން ހޯދުން އިތުރުކުރަން ޗައިނާގެ ބައެއް ސަރަހައްދުތަކުން މީގެ ކުރިންވެސް ވަނީ ސަބްސިޑީ ޕްރޮގްރާމްތަކެއް ކުރިއަށް ގެންގޮސްފަ އެވެ. އެގޮތުން މި އަހަރުގެ މާޗު މަހު ޗައިނާގެ އުތުރުގައި އޮންނަ ހޮހޮޓްގައި ދެމަފިރިން ހޯދާ ފުރަތަމަ ތިން ކުދިންނަށް, ކޮންމެ ކުއްޖަކަށް ސަބްސިޑީއެއްގެ ގޮތުގައި 10,000 ޔުއާން ހުށަހެޅި އެވެ.
8 Comments
ގުޅުންހުރި
ސިޑްނީގެ ބޮންޑީ ބީޗުގައި ބަޑި ޖަހައި މަރާލި މީހުންގެ އަދަދު 15
ތޫފާނުގައި ލަންކާ އިން މަރުވި މީހުންގެ އަދަދު 193 އަށް, 200
ލަންކާގެ މުސްކުޅިންގެ ސެންޓަރަކުން 11 މަރު, އެންމެން މަރުވީ ފެންބޮޑުވެ ނުނިކުމެވި
ލަންކާގައި ކުއްލި ނުރައްކަލުގެ ހާލަތު އިއުލާންކޮށްފި
އެމެރިކާ އިން ނިއުކްލިއާ ހަތިޔާރު ޓެސްޓު ކުރަން ފަށަން ޓްރަމްޕް އަމުރުކޮށްފި
އިޒްރޭލުގައި ހަލުވިކަމާއެކު ހިމަބިހި ފެތުރެނީ, ކޮންޓްރޯލް ނުވެ މިހާތަނަށް އަށް ކުދިން