މެލޭޝިއާގެ ތެރެންގަނުން ސްޓޭޓުގައި މަގުބޫލު އުޒުރެއް ނެތި ހުކުރު އަޅާ މީހުން ޖަލަށް ލާން ނިންމައިފި އެވެ.
ތެރެންގަނުން ސްޓޭޓް ނިސްބަތްވާ ޕްރޮވިންސްގެ ޝަރީއާ ގާނޫނުގައި ބުނެފައިވާ ގޮތުން ފުރަތަމަ ފަހަރަށް ހުކުރު އަޅާ މީހެއްގެ އަދަބަކީ އެންމެ ގިނަވެގެން ދެ އަހަރު ދުވަހަށް ޖަލަށް ލުން އަދި 3،000 ރިންގިޓް (709 ޑޮލަރު) އިން ޖޫރިމަނާ ކުރުން ނުވަތަ ދެ އަދަބު އެއްފަހަރާ ދިނުމެވެ.
ހުކުރު އަޅާ މީހުން ދެނެގަތުމަށް ހަމަޖެހިފައިވަނީ ތެރެންގަނުން އިސްލާމިކް އެފެއާޒް ޑިޕާޓްމަންޓާއި އާންމުންނާއި ދީނީ ކަންކަމަށް އަމަލުކުރޭތޯ ބަލައި ކަށަވަރުކުރުމަށް އުޅޭ މީހުން ދޭ މައުލޫމާތުގެ މައްޗަށެވެ.
މެލޭޝިއާގައި ކުރިން ހުކުރު އަޅާ މީހުންނަށް ދޭ އަދަބަކީ ހަ މަސް ދުވަހަށް ޖަލަށްލުމާއެކު 236 ޑޮލަރުން ޖޫރިމަނާ ކުރުމެވެ.
މެލޭޝިއާގެ ސަރުކާރުން މި އަދަބު ތަންފީޒު ކުރުމަށް ނިއްމާފައި ވަނީ ހަމައެކަނި ދީނީ ސަބަބުތަކަށް އެކަންޏެއް ނޫނެވެ. މިކަމުގެ ސަބަބުން ރައްޔިތުންގެ މެދުގައި ދީންވެރިކަން އިތުރުވުމުގެ އިތުރުން ރީތި އަހުލާގާއި ސުލޫގު ދަމަހެއްޓިގެން ދާނެ ކަމަށް މެލޭޝިއާގެ ސަރުކާރުން ވަނީ ބުނެފައެވެ. ނަމަވެސް ބައެއް މީހުން މި އަދަބު ސިފަކޮށްފައި ވަނީ އިންސާނުންނަށް ދެވިގެންދާ އަނިޔާއެއްގެ ގޮތުގައެވެ.
10 Comments
ގުޅުންހުރި
ނަތީޖާ ނެރެދިނުން ފިޔަވައި އިތުރު އެއްވެސް ކަމަކަށް ޝައުގެއް ނެތް: ރައީސް
މައިމީހާގެ ފަރާތުން ދަރިފުޅަށް ތިން ބައްޔެއް ފެތުރުން ހުއްޓުވައި ރާއްޖެ ތާރީހުގެ
އެލައިޑް ތަކާފުލްގެ ”ފަޔާ ތަކާފުލް“ މިހާރު އޮންލައިންކޮށް, އަވަހަށް އަދި ފަސޭހައިން
ޓްރަމްޕަށް އިޒްރޭލުގެ އެންމެ މަތީ ޝަރަފު ދޭން ނިންމައިފި
2026 ނިމޭއިރު ހުރިހާ ރަށެއްގެ ލެބޯޓްރީން ރަށު ފެންވަރުގެ ޓެސްޓުތައް ހެދޭނެ:
މާލެ ވަޑައިގެންނެވިތާ ހަފުތާއެއް ނުވެ ރައީސް އަނެއްކާވެސް އަތޮޅުތެރެއަށް