އިންޑިއާގެ އުއްތަރަ ޕްރަދޭޝްގެ ޝާހްޖަހަންޕޫރުގެ ކޯރެއް ކައިރީގައި އެއް މަސް ނުފުރޭ ކުޑަކުއްޖަކު ދިރިހުއްޓާ ވަޅުލާފައި އޮއްވައި ފެނިއްޖެ އެވެ.
ފޫޓެއްހާ ފުން ވަޅުގަނޑެއްގެ ތެރޭގައި އުމުރުން އެންމެ 15 ދުވަހުގެ އެ ކުއްޖާ ވަޅުލާފައި އޮއްވައި ފެނުނީ ކުއްޖަކު ރޯއަޑު އިވިގެން ހޯދަމުން ދަނިކޮށް, އެ ކުއްޖާގެ އެއް އަތް ބޭރުގައި އޮއްވަ އެވެ.
ރިޕޯޓްތައް ބުނާ ގޮތުން އެ ކުއްޖާ ފެނުނީ އެ ސަރަހައްދުގައި ބަކަރިތަކަށް ކާން ދޭން އުޅުނު ޒުވާނަކަށެވެ. އެ ޒުވާނާ ކުއްޖާ ވަޅުގަނޑުން ނެގި އިރު ހަރަކާތް މަދު ކަމަށް ފެންނާތީ ފުލުހުންނަށް އެކަން އެންގި ކަމަށް ރިޕޯޓްތައް ބުނެ އެވެ.
އެ ކުއްޖާ ގެންދިޔަ ކޮމިއުނިޓީ ހެލްތް ސެންޓަރާ ހަވާލުވެ ހުންނެވި ޑރ. ނިތިން ސިންގް ވިދާޅުވީ, ކުއްޖާގެ އަގައާއި ނޭފަތަށް ޗަކަ އެޅިފައި ހުރުމުން ކުއްޖާގެ ހާލު ވަރަށް ދެރަ ކަމަށެވެ. އަދި ކުއްޖާއަށް އިތުރު ފަރުވާ ބޭނުންވާތީ ސަރުކާރުގެ މެޑިކަލް ކޮލެޖަށް ގެންގޮސްފައިވާ ކަމަށް ވިދާޅުވި އެވެ.
ފުލުހުން ބުނީ, ކުއްޖާ ދިރިހުއްޓާ ވަޅުލި މީހާ ހޯދުމުގެ މަސައްކަތް މިހާރު ފަށާފައިވާ ކަމަށެވެ. އެގޮތުން ކުއްޖާ ފެނުނު ސަރަހައްދުގެ ވަށައިގެން ހުރި ސީސީޓީވީ ފުޓޭޖުތައް ބަލައި, ހޮސްޕިޓަލްތަކުން މައުލޫމާތު އެއްކުރަމުންދާ ކަމަށް ބުނެފައިވެ އެވެ.
22 Comments
ގުޅުންހުރި
”ނިޕާ“ ވައިރަސް ފެތުރޭތީ، އޭޝިއާގެ ބައެއް އެއާޕޯޓުތަކުގައި ސިއްހީގޮތުން ވަރުގަދަ ފިޔަވަޅުތަކެއް
އަރަގްޗީގެ އިންޒާރު ޓްރަމްޕަށް: ޓެސްޓު ކޮށްލަން ބޭނުންވާނަމަ ހަނގުރާމައަށް ތައްޔާރު!
ފަލަސްތީން ރައްޔިތުން ސޯމާލީލޭންޑަށް ބަދަލުކުރަން އިޒްރޭލުން ރާވަނީ!
ބަންގްލަދޭޝްގެ ކުރީގެ ބޮޑުވަޒީރު ޚާލިދާ ޒިއާ އަވަހާރަވެއްޖެ
އަރުވާލެވިގެން 17 އަހަރު ހުރުމަށްފަހު ބަންގްލަދޭޝްގެ އިދިކޮޅު ލީޑަރު އެނބުރި ގައުމަށް
ޣައްޒާގެ ގެއެއް ވެއްޓި, އެއް އާއިލާއެއްގެ ފަސް މެންބަރުން ނިޔާވެއްޖެ