އެ މަނިކުފާނަކީ ވަރަށް ކުޅިކޮށް ފަރިއްކުޅުވާ ބޭފުޅެއް ކަމަށާއި ކަނޑޫދޫ މިރުހަކީ ވަރަށް މީރު މިރުހެއް ކަމަށް ރައީސް ޑރ. މުހައްމަދު މުއިއްޒު ވިދާޅުވެއްޖެ އެވެ.
ތ. އަތޮޅަށް މިހާރު ކުރައްވަމުން ގެންދަވާ ދަތުރުފުޅުގެ ތެރެއިން ކަނޑޫދޫއަށް މިއަދު ވަޑައިގެން ރަށުގެ ރައްޔިތުންނާ ބައްދަލުކުރައްވައި ރައީސް ވިދާޅުވީ, އެސްޓީއޯ މެދުވެރިކޮށް އެތެރެކުރަން ނިންމާފައިވާ އަސާސީ ކާބޯތަކެތީގެ ލިސްޓުގައި ހިމެނޭ 23 ބާވަތުގެ ތެރޭގައި މިރުސް ހިމަނާފައިވާނެ ކަމަށެވެ.
ނަމަވެސް އެކަމުގެ ސަބަބުން ކަނޑޫދޫގައި މިރުސް ހައްދައި ވިއްކާ ދަނޑުވެރިންނަށް ގެއްލުމެއް ނުވާނެ ކަމަށާއި އެގޮތުން އެސްޓީއޯ އިން ދަނޑުވެރިންގެ އަތުން މިރުސް ގަންނާނީ ދަނޑުވެރިންނަށް ފައިދާވާ ގޮތަށް, ދަނޑުވެރިން ހުށަހަޅާ އަގުގައި ކަމަށް ރައީސް ވިދާޅުވި އެވެ.
”އަޅުގަނޑަކީ ވަރަށް ކުޅިކޮށް ކާ މީހެއް. އަޅުގަނޑަށް ވަރަށް މީރު ތިބޭފުޅުންގެ މިރުސް. ދަންނަވާލަން ބޭނުންވާ ވާހަކައަކީ، ވަކި އަޅުގަނޑު ކުޅިކޮށްކާތީކީ ނޫން، މިރަށުގެ މިރުސް މާލެއަށް، މާލޭގެ މާކެޓުގައި ޑޮމިނޭޓްކުރާ ފަރާތްތަކަކީ. އަޅުގަނޑުމެން މިދޭތެރެއިން އެސްޓީއޯ މެދުވެރިކޮށް 23 ބާވަތެއްގެ ތަކެތި ރެގިއުލާ ބޭސިސްގައި ރެގިއުލޭޓްކޮށް އިމްޕޯޓްކޮށް ވިއްކަން ނިންމި ނިންމުމުގެ ތެރޭގަ މިރުސް ހިމެނޭނެ. ނަމަވެސް އަޅުގަނޑު ވަރަށް ޔަގީންކަމެއް ދެން ތިބޭފުޅުންގެ ވިޔަފާރިއަށް ގެއްލުމެއް ނުވާ ގޮތަށް އެކަން ކުރާނީ.“ ރައީސް ވިދާޅުވި އެވެ.
38 Comments
ގުޅުންހުރި
އިހުތިރާމު އަދާކުރުމުގެ ގައުމީ މަޝްރޫއެއް ފަށަނީ، ރައީސް ވިދާޅުވީ މިއީ ބިޔަ
ހަންޏާމީދުއަށް އުތުރު އަތަފަރު, ފަތުރުވެރިން ޕިކްނިކް ދާން އަލިކޮއި
ރައީސް އޮމަދުއަށް ވަޑައިގަތުމުގެ ކުރީން އެ ރަށުގެ ބައެއްގެ ގޮތުގައި ތިން
ރައީސް، އދ. އަތޮޅުގެ 10 ރަށަކަށް ކުރައްވާ ދަތުރުފުޅެއްގައި ފުރާވަޑައިގެންފި
އައްޑޫގައި ވަކިވަކި ކައުންސިލްތައް ހެދުމާ ގުޅޭ ވޯޓުގައި ބޭނުންވާ ވަކި ނަތީޖާއެއް
އައްޑޫގައި ވަކިވަކި ކައުންސިލްތައް ހަދަން ފެނޭތޯ ބަލަން މި މަހު 24ގައި