ކުރިއަށް އޮތް ހަ މަސް ދުވަހުގެ ތެރޭގައި ހުރިހާ ޓާޝަރީ ހޮސްޕިޓަލެއްގައި އެމްއާރުއައިގެ ހިދުމަތް ގާއިމުކުރައްވާނެ ކަމަށް ރައީސް ޑރ. މުހައްމަދު މުއިއްޒު ވިދާޅުވެއްޖެ އެވެ.
ތ. އަތޮޅުގެ ރަށްތަކަށް ރައީސް ޑރ. މުހައްމަދު މުއިއްޒު ކުރައްވަމުންގެންދަވާ ދަތުރުފުޅުގެ ތެރެއިން، ގުރައިދޫގައި ރޭ ބޭއްވި ޖަލްސާގައި ވާހަކަފުޅުދައްކަވަމުން ރައީސް ވިދާޅުވީ ސިއްހީ ހިދުމަތް ހޯދުމަށް ރައްޔިތުން މާލެއަށްދާން ޖެހޭ ދިއުން މަދުކުރުމަކީ ސަރުކާރުގެ އެއް ސިޔާސަތު ކަމަށެވެ
”ކުރިއަށް އޮތް ހަ މަސްދުވަހުގެ ތެރޭގައި، އެންމެ ގިނަވެގެން ހަ މަސްދުވަހުގެ ތެރޭގައި ހުރިހާ ޓާޝަރީ ހޮސްޕިޓަލެއްގައި، މިހާރު އެމްއާރުއައި ނެތް ހުރިހާ ޓާޝަރީ ހޮސްޕިޓަލެއްގައި އެމްއާރުއައި ގާއިމުކުރެވިގެންދާނެ. ހަމައެގޮތަށް ހުރިހާ އާބަން ސެންޓަރުތަކެއްގައި ސީޓީ މެޝިން ގާއިމުކުރެވިގެންދާނެ، ކުރިއަށްއޮތް ހަ މަސްދުވަހުގެ ތެރޭގައި،“ ރައީސް ވިދާޅުވިއެވެ.
ރައީސް ވިދާޅުވީ ހުރިހާ އަތޮޅު ހޮސްޕިޓަލުތަކެއްގައި، 15 އަތޮޅު ހޮސްޕިޓަލެއްގައި އެންމެ ޒަމާނީ، ހުރިހާ ހިދުމަތްތަކެއް ފުރިހަމަ، ފުލްފްލެޖް ޑެންޓަލް ސެޓަޕް ކުރިއަށް އޮތް ހަތަރު މަސް ދުވަހުގެ ތެރޭގައި ގާއިމުވެގެންދާނެ ކަމަށެވެ.
”މިއީ ވެސް މާލެއަށް ހުރިހާ ކަމަކަށް، މިއިން ކޮންމެ ކަމެއް ކުރަން އަންނަންޖެހޭ ވަރު މަދުކޮށްދީ، ރަށުގައި ތިބެގެން، އަތޮޅުގައި ތިބެގެން އެ ސަރަހައްދުން އެ ހިދުމަތް ހޯދުމަށް ފަސޭހަކޮށްދީ، ރައްޔިތުން ބާރުވެރިކޮށްދީ، މާލެއަށް އަންނަން މި ޖެހޭ އަޅުވެތިކަމުން ސަލާމަތްކޮށްދިނުމަށް، ސިއްހީ ދާއިރާ ވަރުގަދަކުރުމަށް، އަދި ޖުމުލަކޮށް މި ސިޔާސަތު ލާމަރުކަޒީކޮށް، ރާއްޖޭގެ އެކި ސަރަހައްދުތަކުގައި މިކަހަލަ ހުރިހާ ހިދުމަތެއް ގާއިމުކުރުމަށް އަޅުގަނޑުމެން ހިންގާ ސިޔާސަތުގެ ތެރެއިން ކުރިއަށްގެންދާ ކަންކަން،“ ރައީސް ވިދާޅުވިއެވެ.
7 Comments
ގުޅުންހުރި
އިހުތިރާމު އަދާކުރުމުގެ ގައުމީ މަޝްރޫއެއް ފަށަނީ، ރައީސް ވިދާޅުވީ މިއީ ބިޔަ
ހަންޏާމީދުއަށް އުތުރު އަތަފަރު, ފަތުރުވެރިން ޕިކްނިކް ދާން އަލިކޮއި
ރައީސް އޮމަދުއަށް ވަޑައިގަތުމުގެ ކުރީން އެ ރަށުގެ ބައެއްގެ ގޮތުގައި ތިން
ރައީސް، އދ. އަތޮޅުގެ 10 ރަށަކަށް ކުރައްވާ ދަތުރުފުޅެއްގައި ފުރާވަޑައިގެންފި
އައްޑޫގައި ވަކިވަކި ކައުންސިލްތައް ހެދުމާ ގުޅޭ ވޯޓުގައި ބޭނުންވާ ވަކި ނަތީޖާއެއް
އައްޑޫގައި ވަކިވަކި ކައުންސިލްތައް ހަދަން ފެނޭތޯ ބަލަން މި މަހު 24ގައި