މުޒާހަރާތަކަށް ނުކުމެ, ފުލުހުންނަށް ހުރަސްއަޅައި, އެ މީހުންނާ ކުރިމަތިލާ ރައްޔިތުންގެ މަޖިލީހުގެ މެންބަރުންގެ ގޮނޑި ގެއްލެންޖެހޭ ކަމަށް ޕީއެންސީގެ ޕާލިމެންޓްރީ ގުރޫޕުގެ ލީޑަރު އަދި އިނގުރައިދޫ ދާއިރާގެ މެންބަރު އިބްރާހިމް ފަލާހު ވިދާޅުވެއްޖެ އެވެ.
މަޖިލީހުގެ މިއަދުގެ ޖަލްސާގައި ވާހަކަދައްކަވަމުން ފަލާހު ވިދާޅުވީ, މަގުމަތީގައި ހަމަޖެހުމާއި އާންމު ރައްޔިތުންގެ ރައްކާތެރިކަމާއި ހަމަތައް ހިފަހައްޓަން ބަލާއިރު ރައްޔިތުންގެ މަޖިލީހުގެ މެންބަރުންނަކީ ރާއްޖޭގެ ރައްޔިތުންނަށް ނަމޫނާ ދައްކަން ތިބި ބައެއް ކަމަށެވެ.
ނަމަވެސް މިދިޔަ ހުކުރު ދުވަހު އެމްޑީޕީން މާލޭގައި ބޭއްވި މުޒާހަރާގެ ތެރެއިން ކެންދޫ ދާއިރާގެ މެންބަރު މައުރޫފް ޒާކިރު ބެރިކޭޑެއް ތެރެއަށް ވަދެ ފުލުހުންނަށް ހުރަސްއެޅި މަންޒަރު ފެނުނު ކަމަށާއި އެފަދަ އަމަލެއް ކޮށްފިނަމަ އެ މެންބަރެއްގެ ގޮނޑި ގެއްލެންޖެހޭ ކަމަށް ވިދާޅުވިއެވެ.
”..އަޅުގަނޑު ހިތާމަކުރަން ކެންދޫ ދާއިރާގެ މެންބަރު އަޅުގަނޑު ދެކުނިން ބެރިކޭޑެއްގެ ތެރެއަށް ވަދެ އޮއްވައި, ވަދެ އޮވެ, ފުލުހުންނަށް ހުރަސްއެޅި މަންޒަރު. ހަގީގަތުގައި ރައްޔިތުން މަޖިލީހުގެ މެންބަރަކަށްވެ ހުރެ އެފަދަ އަމަލެއް ކޮށްފިކަމަށްވާނަމަ, އަޅުގަނޑު މިއީ ރައްޔިތުންގެ މަޖިލީހުގެ ގަވާއިދާއި ގާނޫނުއަސާސީއަށްވެސް އިސްލާހު ގެންނަންޖެހޭ, ރައްޔިތުންގެ މަޖިލީހުގެ މެންބަރެއް ވިޔަސް އެވަރުގެ ކުށެއް ކޮށްފިނަމަ އެ މެންބަރެއްގެ ގޮނޑި ގެއްލެންޖެހޭނެ,“ ފަލާހު ވިދާޅުވި އެވެ.
އޭނާ ވިދާޅުވީ, އެކަންކަން ކުރުމަށް ހެދިފައި ހުރި ގާނޫނުތަކާއި ގަވާއިދުތައް ވަރަށް ބޮޑަށް އިސްލާހުކުރަންޖެހޭ ކަމަށާއި އެހެން ނުހަދައިފިނަމަ ގައުމަށް އަމާންކަމެއް ނާންނާނެ ކަމަށެވެ.
15 Comments
ގުޅުންހުރި
އެއް ކުއްޖަކު ނުވަތަ ދެ ކުދިންނަށްވުރެ އިތުރަށް ދަރިން ނުހޯދުން ފެޝަނަކަށް
ފިރިހެނަކު ފިރިހެނަކަށް ވަނީ 65 އަހަރު ފުރުމުން: އިބްރާހިމް ހުސެއިން
އެއް ދުވަހު އިތުބާރު ނުކުރެވޭ ވެރިއަކަށް އަނެއް ދުވަހު އިތުބާރު ކުރެވިދާނެ,
މުޒާހަރާ ހުއްޓުވަން އުޅުނު ވަކިވަކި ފުލުހުންގެ ޒާތީ މައުލޫމާތު އާންމުކުރާތީ ފުލުހުންގެ
އެއްވުން ރޫޅާލަން ބާރުގެ ބޭނުންކުރީ ކެތްތެރިކަމާއި ޕްރޮފެޝަނަލް ކަމާއެކު: ފުލުހުން
އެމްޑީޕީ މުޒާހަރާ: ކުރީގެ މެންބަރު ޔައުގޫބާއި ޔާސިރު ހިމެނޭހެން 6 މީހަކު