އަށް ކުލާސްރޫމް އެޅުމަކީ އަދި އަށް މަޝްރޫއު ހިންގުން ނޫން ކަމަށް ވިދާޅުވެ, ރައްޔިތުންގެ މަޖިލީހުގެ އުނގޫފާރު ދާއިރާގެ ކުރީގެ މެންބަރު މުހައްމަދު ވަހީދު (ވައްޑެ), ރައީސް ޑރ. މުހައްމަދު މުއިއްޒަށް ރައްދު ދެއްވައިފި އެވެ.
ރާއްޖޭގެ ހުރިހާ ރަށަކުން މީހުން ގެނެސްގެން ސަރުކާރު ހިންގާ ޕާޓީ, ޕީއެންސީން ރޭ އާޓިފިޝަލް ބީޗު ސަރަހައްދުގައި ބޭއްވި ޖަލްސާގައި ރައީސް ވަނީ ރާއްޖޭގެ އެކި ކަންކޮޅުތަކުގައި 1,875 މަޝްރޫއުއެއް ކުރިއަށްދާ ކަމަށް ވިދާޅުވެފަ އެވެ.
ރާއްޖޭގެ މީހުން ދިރިއުޅޭ 187 ރަށް އޮތްއިރު, ރައީސް އެ ވިދާޅުވި އަދަދަކީ އެވްރެޖުކޮށް ކޮންމެ ރަށަކަށް 10 މަޝްރޫއު އެވެ.
އެކަމާ ގުޅިގެން ވައްޑެ އެކްސްގައި ކުރެއްވި ޕޯސްޓެއްގައި ވަނީ އެ މަޝްރޫއުތަކުގެ ތަފުސީލު ލިސްޓެއް ހާމަކޮށްދެއްވަން ކެރޭނެތޯ ސުވާލުކޮށްފަ އެވެ. އަދި މަޝްރޫއު މާނަކުރާ ގޮތް ކިޔައިދެއްވުމަށްވެސް އެދުނެވެ.
”އަޅުގަނޑަށް އެނގޭ މިންވަރުން އަށް ކުލާސްރޫމާއި އަށް އޭސީ އެޅުވުމަކީ އަދި އަށް މަޝްރޫއު ހިންގުމެއް ނޫން,“ ވައްޑެ ވިދާޅުވި އެވެ.
ރޭގެ ޖަލްސާގައި ރައީސް މުއިއްޒު ވަނީ މިހާރު ކުރިއަށްދާ 1,875 މަޝްރޫއުގެ ތެރެއިން 1,356 މަޝްރޫއުއަކީ މި ސަރުކާރުން ސޮއިކޮށްގެން ފެށި މަޝްރޫއުތައް ކަމަށްވެސް ވިދާޅުވެފަ އެވެ.
3 Comments
ގުޅުންހުރި
ޓައިމް މެގަޒިންގެ ނުފޫޒުގަދަ 100 މީހުންގެ ލިސްޓުގައި ރައީސް މުއިއްޒު
އިތުރުކުރާ ދެ ކެޓަގަރީއަށް ގޯތި ދޭން އަންނަ މަހު ހުޅުވާލަނީ
މާލީ އަހުލާގު ދެމެހެއްޓުމަކީ މައިގަނޑު ސިޔާސަތެއް، އިންވެސްޓަރުންގެ އިތުބާރު އިތުރުވެއްޖެ: ރައީސް
ޝަރުއީ ދާއިރާއަށް ކުރިމަތިވަމުން އައި ހުރަސްތައް ހިރާސްތަކަކަށް ބަދަލުވެއްޖެ: އުއްތަމަ ފަނޑިޔާރު
ޗާގޯސް މައްސަލައިގައި ރާއްޖެއިން އަމަލުކުރަނީ ޔޫކޭ އާއި އެމެރިކާއިން އެދޭ ގޮތަށް:
ކުޅުންތެރީންނަށް ހާއްސަ ހެލްތު އިންޝުއަރެންސްގެ ހިދުމަތް ފޯރުކޮށްދޭން ފަށައިފި