ނޮވެމްބަރ 29, 2025

ލަންކާގެ މުސްކުޅިންގެ ސެންޓަރަކުން 11 މަރު, އެންމެން މަރުވީ ފެންބޮޑުވެ ނުނިކުމެވި ތާށިވެގެން!

ސްރީ ލަންކާއަށް މިހާރު ކުރަމުންދާ ވިއްސާރައިގައި ކުރުނޭގަލަ ޑިސްޓްރިކްޓުގެ ޕައްނަލަ ނަމަކަށް ކިޔާ ސަހަރެއްގައި ހުންނަ މުސްކުޅިން ބަލަހައްޓާ ސެންޓަރަކުން 11 މީހަކު މަރުވެއްޖެ އެވެ.

ލަންކާގެ ނޫސްތަކުން ރިޕޯޓް ކޮށްފައިވާ ގޮތުން އެ މީހުން މަރުވީ ވާރޭވެހުމުގެ ސަބަބުން އެ ސެންޓަރުގެ ތެރޭގައި ފެންބޮޑުވެ ނުނިކުމެވި ތާށިވުމުގެ ސަބަބުންނެވެ. މަރުވި އެންމެންގެ ތެރޭގައިވެސް ހިމެނެނީ އަންހެނުން ކަމަށްވެސް ރިޕޯޓްތައް ބުނެ އެވެ.

ކަމާބެހޭ އިދާރާތަކާ ހަވާލާދީ ލަންކާގެ ނޫސްތަކުން ރިޕޯޓް ކޮށްފައިވާ ގޮތުގައި އެ ސެންޓަރު އެއްކޮށް ކަހަލަ ގޮތަކަށް ހުރީ ފެނު އަޑީގައެވެ. ނަމަވެސް އެމަޖެންސީ ރެސްޕޮންޑާސް އާއި ވޮލަންޓިއަރުން ކުރި ބުރަ މަސައްކަތުން އެތަނުގެ ތެރެއިން 14 މީހަކު ސަލާމަތްކުރި ކަމަށް ރިޕޯޓްތައް ބުނެ އެވެ.

ތޫފާން ”ޑިޓްވާ“އާ ގުޅިގެން ކުރަމުންދާ ވިއްސާރައިގެ ސަބަބުން ލަންކާގައި ފެންބޮޑުވެ ބިންގަނޑު ކަނޑައިގެން ދިއުމުގެ އެތައް ހާދިސާއެއް ދަނީ ހިނގަމުންނެވެ. އެ ހާދިސާތަކުގައި މިހާތަނަށް މަރުވި މީހުންގެ އަދަދު 150 އިން މައްޗަށް އަރާފައިވާ ކަމަށް ރިޕޯޓްތައް ބުނެ އެވެ.