މަޖިލިސް އިންތިހާބު އެޕްރީލް މަހު ބާއްވާތީ އޯލެވެލް އިމްތިހާނު މިމަހު ފެށުމަށް އަންގައިފި

ރައްޔިތުންގެ މަޖިލީހުގެ އިންތިހާބު މިއަންނަ އެޕްރީލް މަހުގެ 21 ވަނަ ދުވަހު ބާއްވާތީ އޯލެވެލް އިމްތިހާނު ބާއްވާ ދުވަހަށް ބަދަލުތަކެއް ގެނެސްފިއެވެ.

އެޑިއުކޭޝަން މިނިސްޓްރީން މިއަދު ސްކޫލުތަކަށް ފޮނުވި ސާކިއުލާއެއްގައި ބުނީ އިލެކްޝަންސް ކޮމިޝަން (އީސީ)ން ވަނީ މަޖިލިސް އިންތިހާބު މިމަހުގެ 21 ވަނަ ދުވަހު ބާއްވަން ނިންމާފައި ކަމަށެވެ. މިއަހަރުގެ ދިރާސީ ކަލަންޑަރުގައިވާ ގޮތުން ގްރޭޑު 8،9 އަދި 10 ގެ ދަރިވަރުންގެ އޯލެވެލް އިމްތިހާނު ބާއްވަން ނިންމާފައިވަނީ އެޕްރީލް މަހުގެ 16 އިން ފެށިގެން 27 ވަނަ ދުވަހުގެ ނިޔަލަށް ކަމަށެވެ.

އެ ތާރީހުގައި މަޖިލިސް އިންތިހާބު ބާއްވާތިއާއި މަޖިލިސް އިންތިހާބަށް ސްކޫލްތަކުގެ ހޯލު އަދި ކްލާސްރޫމު ބޭނުންވާނެތީ އެޑިއުކޭޝަން މިނިސްޓްރީން ސްކޫލުތަކަށް އެންގީ އޯލެވެލް އިމްތިހާނު މި މަހުގެ 17 އާއި އޭޕްރީލް މަހުގެ 25 އާއި ދެމެދުގެ ރަސްމީ ދުވަސްތަކުގައި ބޭއްވުމަށެވެ.

އެޕްރީލް މަހުގެ 20 ވަނަ ދުވަހު އިމްތިހާނު ބާއްވަން ސްކޫލަކުން ބޭނުންވާނަމަ، އެކަން އީސީގެ ފޯކަލް ޕޮއިންޓަށް އަންގައި މަޝްވަރާކުރަން ވާނެކަމަށް އެޑިއުކޭޝަން މިނިސްޓްރީން ބުންޏެވެ.