މިއަންނަ އާދިއްތަ ދުވަހު ބާއްވާރައްޔިތުންގެ މަޖިލީހުގެ އިންތިހާބުގެ މެޖޯރިޓީ ކާމިޔާބު ކުރެއްވިއްޖެނަމަ ސިޔާސީ ބޭނުމަކަށް މީހުން ވަޒީފާއިން ވަކިކުރުމަކީ ގާނޫނީ ކުށަކަށް ހަދާނެ ކަމަށް ކުރީގެ އިކޮނޮމިކް މިނިސްޓަރު، އެމްޑީޕީގެ ޗެއާޕާސަން، ފައްޔާޒު އިސްމާއީލް ވިދާޅުވެއްޖެއެވެ.
ފައްޔާޒު މިރޭ ވަނީ އެކްސްގައި ވީޑިއޯއެއް އާންމު ކުރައްވައިފައެވެ. އެ ވީޑިއޯއެއްގައި ފެންނަނީ މަޖިލީހުގެ ކެމްޕޭނަށް ކުރީގެ ރައީސް އިބްރާހީމް މުހައްމަދު ސޯލިހު ވަޑައިގަތުމުން ރޯޑް ޑިވެލޮޕްމެންޓް ކޯޕަރޭޝަން (އާރްޑީސީ) މުވައްޒަފަކަށް ވަޒީފާގެ ބިރު ދެއްކި ވާހަކަ އާއްމުންގެ މީހަކު ހިއްސާކުރާ މަންޒަރެވެ.
އެ ވީޑިއޯ ހިއްސާ ކުރައްވައި ފައްޔާޒު ވިދާޅުވީ އެމްޑީޕީއަށް ތާއިދުކުރާ މީހުންނަށް ވަޒީފާގެ ބިރު ނުދެއްކޭނެކަން ރައީސް ޑރ. މުހައްމަދު މުއިއްޒަށް، އެނގިވަޑައިނުގަންނަވާތީ ހިތާމަ ކުރައްވާ ކަމަށެވެ.
”އަދި ދަންނަވަން 20 ވަނަ މަޖިލީހަށް އެމްޑީޕީ މެޖޯރިޓީ ލިބިއްޖެނަމަ ސިޔާސީ މަގުސަދަށް ވަޒީފާއިން ވަކިކުރުމަކީ ގާނޫނީ ކުށެއް ކަމުގައި ކަނޑައަޅާ ސިވިލް ސާވިސް މުވައްޒަފުންނަށް ލިބިދީފައިވާފަދަ ގާނޫނީ ރައްކާތެރިކަން ދައުލަތުގެ ކުންފުނިތަކުގެ މުވައްޒަފުންނަށް ވެސް ކަށަވަރުކޮށްދޭނަން“ ފައްޔާޒު ވިދާޅުވިއެވެ،
އެމްޑީޕީ ހޯދައިދިން މިނިވަންކަމަކީ ބިރުފަހަނައަޅާ ގޮސްފައިވާ މިނިވަންކަމެއް ކަމަށް ފައްޔާޒު ވިދާޅުވިއެވެ. ވަޒީފާ ހަތިޔާރަކަށް ހަދައި މުވައްޒަފުންނަށް ބިރު ދެއްކުމަކީ ފިނޑި އަމަލެއް ކަމަށް ފައްޔާޒު ވިދާޅުވިއެވެ،
މަޖިލިސް އިންތިހާބާ ދިމާކޮށް، ސަރުކާރު ކުންފުނިތަކުގެ މުވައްޒަފުންނަށް ވަޒީފާގެ ބިރު ދައްކަމުންދާ ކަމަށް ކެމްޕޭން ފެށުނީއްސުރެ އެމްޑީޕީން ދަނީ ތުހުމަތު ކުރަމުނެވެ. އެ ތުހުމަތުތައް ސަރުކާރުން ވަނީ ދޮގުކޮށްފައެވެ.
![](https://haftha.mv/wp-content/uploads/2024/04/Scam-call-ad-MMA.jpg)
![](https://haftha.mv/wp-content/uploads/2024/04/Scam-call-ad-MMA.jpg)
ގުޅުންހުރި
މާލެ ސިޓީ ކައުންސިލުން ހުސްވި ގޮނޑިތަކަށް ވާދަކުރާނީ އެމްޑީޕީއާއި ޕީއެންސީން އެކަނި
އިޒްރޭލު ޕާސްޕޯޓް މަނާކުރަން ހުށަހެޅި ބިލު މާދަމާގެ ޖަލްސާއަށް އެޖެންޑާ ކޮށްފި
ޖޭއެސްސީއަށް އަބްްދުއްރަހީމްއާއި ރިޒާ އައްޔަން ކުރައްވައިފި
ބޭނުންވަނީ އިސްރާއީލް ޕާސްޕޯޓް މަނާކުރަން، ސަރުކާރުގެ ހުށަހެޅުމަށް ތާއީދުކުރަން: އެމްޑީޕީ
މަޖިލީހުގެ ދާއިމީ ކޮމިޓީތަކަށް މެންބަރުން ކަނޑައަޅައިފި
20ވަނަ މަޖިލީހުގެ ފުރަތަމަ ކުއްލި މައްސަލަ: އައްޑޫއިން ފެނުގެ ހިދުމަތް މެދުކެނޑޭ