ގެއްލިގެން ހޯދަމުންދިޔަ މ. މަޑުއްވަރި ދޯންޏާއި އޭގައި ތިބި މީހުން ހޯދައިފި އެވެ.
ތިން މީހުންނާއެކު މަހަށް ނުކުތް ’ފަރިހި 2‘ ނަމަކަށް ކިޔާ އެ ދޯނި ގެއްލިގެން އެމްއެންޑީއެފަށް ފުލުހުން އެންގީ ރޭގެ 10:45 ހާއިރެވެ.
އެ ދޯނި ހޯދުމަށް މ. މުލީގައި އޮންނަ ކޯސްޓްގާޑް ހާބާކްރާފްޓް 114 ރޭގެ 11:20 އިން ފެށިގެން ހަރަކާތްތެރި ވަމުންދިޔަ އިރު، ކޯސްޓްގާޑުގެ ފާަސްޓް އިންޓަސެޕްޓާ ކްރާފްޓް ’މާފަތް‘ ވެސް ދިޔައީ ހަރަކާތްތެރިވަމުންނެވެ.
އަދި ރޭ ދަންވަރު 2:00 ޖަހާކަންހާއިރު އެމްއެންޑީއެފް ވައިބާރުން ޑްރޯން އެ ސަރަހައްދަށް އުދުއްސާލާފައިވެ އެވެ. މިއީ މިފަދަ އޮޕަރޭޝަނެއްގައި ޑްރޯން ބޭނުންކުރާ ފުރަތަަމަ ފަހަރެވެ.
ދޯނި ގެއްލިގެން ރިޕޯޓްކުރިތާ 18 ގަޑިއިރު ފަހުން އެމްއެންޑީއެފުން ބުނީ، އެ ދޯނި ހޯދުމަށް ޑްރޯން އާއި ކޯސްޓްގާޑުގެ އުޅަނދުފަހަރު ބޭނުންކޮށްގެން ކަނޑާއި ވައިގެ މަގުން ކުރި މަސައްކަތުން މ. ރަތްމަންދޫގެ 23 ނޯޓިކަލް މޭލު ބޭރުން އިންޖީން ހުއްޓިފަައިވަނިކޮށް ހޯދާފައިވާ ކަމަށެވެ.
އަދި ދޯނީގައި ތިބި ތިން މީހުންގެ ހާލުވެސް ރަނގަޅު ކަމަށް ބުންޏެވެ.
ގުޅުންހުރި
ބޭރު ފައިސާއާ ބެހޭ ބިލްގެ ޑްރާފްޓުގައި ޑޮލަރު މާރުކުރުމަށް ލުއިތަކެއް ދީފި
ފުލެޓް ލިސްޓަށް އެއްވެސް ބައެއްގެ ނުފޫޒެއް ނެތް: ހައުސިން
ސްޓެލްކޯގެ މަސައްކަތުން ސޯލާ އެނާޖީގައި ރަކީދޫއަށް ބޮޑު ކުރިއެރުމެއް!
ފުރުގާން މިސްކިތަށް ގެއްލުންދީ ހަތިމުތައް އުކާލި މައްސަލައިގައި މީހަކު ހައްޔަރުކޮށްފި
އަބްދުއްރަހީމް، ނަޝީދުއާ ބައްދަލުކުރި ވާހަކަ ދޮގުކޮށްފި
ޑުރަގުގެ ގާނޫނު އިސްލާހުކޮށް، ގޭންގު ކުށްތައް ހުއްޓުވަން އާ ބިލެއް ހުށަހަޅަނީ