ރާއްޖެއަށް ހުޅަނގު މޫސުމުގެ ބާރުގަދަވެފައިވާތީ، ފަޅު ރަށްރަށާއި ފިނޮޅު ފަދަ ތަންތަނަށް ދަތުރު ނުދިއުމަށާއި މޫދަށް ނޭރުމަށް ފުލުހުން އިލްތިމާސްކޮށްފި އެވެ.
ފުލުހުން މިއަދު ބުނީ މި ދުވަސްވަރަކީ ކަނޑުގަދަ، ވިއްސާރަ ދުވަސް ވަރަކަށް ވުމާއެކު، ކޮންމެހެން ކުރަން ޖެހިއްޖެ ހާލަތުގައި މެނުވީ ކަނޑުދަތުރު ނުކުރުމަށް އެދޭ ކަމަށެވެ. އަދި ދަތުރުކުރަން ޖެހިއްޖެ ހާލަތުގައިވެސް ރައްކާތެރިކަމުގެ ފިޔަވަޅު އެޅުމަށާއި ކުދި އުޅަނދުގައި ދަތުރު ނުކުރުމަށްވެސް އިލްތިމާސް ކޮށްފައިވެ އެވެ.
އޭގެ އިތުރުންވެސް ސިނަމާލެ ބްރިޖު އަދި ހައިވޭއިން ދަތުރުކުރާ އިރު، ހުރިހާ ފަރާތްތަކެއްގެ ސަލާމަތާއި ރައްކާތެރިކަމަށް ބަލައިގެން އުޅަނދު ދުއްވުމަށް ވެސް ފުލުހުން ވަނީ އިލްތިމާސްކޮށްފަ އެވެ.
ފުލުހުން އެގޮތަށް އިލްތިމާސް ކޮށްފައިވާއިރު، މޫސުމާ ބެހޭ ގައުމީ އިދާރާ، މެޓް އޮފީހުން އިއްޔެ ވަނީ ކުރިއަށް އޮތް ތިން ދުވަހު ވައިގަދަވެ، ކަނޑުތައް ވަރަށް ގަދަވާނެ ކަމުގެ އިންޒާރު ނެރެފަ އެވެ.
ގުޅުންހުރި
އާޓިފިޝަލް ބީޗު ކައިރިން މަގުމައްޗަށް ވެއްޓުނު މީހަކު މަރުވެއްޖެ
100 މިލިއަން ރުފިޔާއާ ގާތްކުރާ އަދަދަކަށް މިހާރު ޒަކާތު ފައިސާ ލިބޭ:
ރައީސްގެ އަބުރުފުޅަށް އަރައިގެން ކަމަށް ބުނެ ގައްދޫ ކައުންސިލްގެ ރައީސަށް ނަސޭހަތް
ވައްކަންކުރަނިކޮށް ފުލުހުން އައުމުން އަލަމާރި ތެރެއަށްވަދެ ފިލައިފި
ކާރެއްގައި ރޯކޮށްލި މައްސަލައިގައި ތުހުމަތަށް ދެ މީހަކު ހައްޔަރުކޮށްފި
ޒަކާތު ފަންޑުން ގާޒާއަށް އެއް ލައްކަ ޑޮލަރުގެ އެހީ ދެނީ!